ព្រះនរាយណ៍ TV | PrahnoreayTV Khmer Cambodia Breaking News

បាត់ដំបង៖ក្រោយពីមានការបែករឿងប្រជាពលរដ្ឋនិងភ្ញៀវទេសចរណ៍ក្នុងនិងក្រៅប្រទេសមិនពេញចិត្តនូវបញ្ហាដែលម្ចាស់បរិច្ចាករូបព្រះនាងគង់សីុអីុមនិងរូបតាកាប៉ោងបានសាងសង់ធ្វើជាអសន្នះដើម្បីតំកល់រូបទាំងពីរអង្គខាងលើនៅលើភ្នំសំពៅរួចមកនៅរសៀលម៉ោង២:០០នាទីនាថ្ងៃទី២០ខែកក្កដាថ្មីៗនេះមន្ទីរជំនាញបានចុះណែនាំនិងផ្អាកដំណើរការការសាងសង់អសនៈតម្កល់រូបសំណាកព្រះម៉ែគង់ស៊ីអីមនិងរូបសំណាកលោកតាកំប៉ោងនៅលើភ្នំសំពៅជាបណ្តោះអាសន្នដើម្បីពិនិត្យមើលច្បាប់អនុញ្ញាតិសិន។លោកគុណសម្បត្តិ.មុន្នីរត្ន័ប្រធានមន្ទីរធម្មការនិងកិច្ចការសាសនាខេត្តបាត់ដំបងបានប្រាប់អោយដឹងនៅព្រឹកថ្ងៃទី២១កក្តដានេះថា:ក្រោយពីទទួលបាននូវពត៌មានទាក់ទងនិងការសាងសង់អាសនះរឹងមាំសម្រាប់តម្កល់រូបសំណាកព្រះម៉ែគង់ស៊ីអីមនិងរូបសំណាកលោកតាកំប៉ោងនៅវេលាម៉ោងជាង២.០០រសៀលថ្ងៃទី២០កក្ដដាឆ្នាំ២០១៧នេះលោកបានចុះពិនិត្យនិងផ្អាកក្នុងការសាងសង់បន្តហើយឲ្យម្ចាស់បរិច្ចាករូបខាងលើចូលខ្លួនដើម្បីបង្ហាញច្បាប់ពាក់ព័ន្ធដែលអនុញ្ញាតិឲ្យសាងសង់ដល់មនទីរដើម្បីពិនិត្យ។លោកបន្តថាការចុះទៅណែនាំនិងបញ្ឍប់ដំណើរការការសាង់សង់ទីអាសនះខាងលើជាបណ្តោះអាសន្ននេះលោកសង្ឃឹមថាម្ចាស់បរិច្ចាករូបសំណាកនិងចូលខ្លួនអនុវត្តតាមផ្លូវច្បាប់តាមការណែនាំរបស់មន្ទីរ។លោកបន្តថាការចុះផ្អាកដំណើរការការសាងសង់នេះដែរអនុវត្តតាមការណែនាំរបស់ក្រសួងធម្មការនិងកិច្ចការសាសនាក្នុងគោលបំណងពិនិត្យមើលច្បាប់អនុញ្ញាតិពុំនោះទេអាចកើតមានឡើងនូវសំណង់អាគាផ្សេងៗបែបអាណាធិបតេយ្យដូចហេតុការណ៍នៅលើកំពូលភ្នំបូកគោកាលពីប៉ុន្នានឆ្នាំមុនជាក់ជាមិនខាន។គួរបញ្ជាក់ថាការចុះផ្អាកដំណើរការសាងសង់អាសនះសម្រាប់តម្កល់រូបសំណាកព្រះម៉ែគង់ស៊ីអីមនិងរូបសំណាកលោកតាកំប៉ោងនៅលើភ្នំសំពៅឋិតក្នុងខេត្តបាត់ដំបងនេះដោយសារមានការមិនពេញចិត្តពីសំណាក់ភ្ញៀវក្នុងនិងក្រៅប្រទេសជាច្រើនរួមទាំងព្រះសង្ឃដែលបានគង់នៅលើភ្នំសំពៅផងដែរ។ចំណែកអភិបាលស្រុកលោកជុំ.ញ៉រនិងមន្ត្រីនគរបាលទេសចរណ៍ប្រចាំតំបន់នោះបានត្រឹមឆ្លើយយករួចខ្លួនតែប៉ុណ្ណោះក្នុងនាមជាអាជ្ញាធរនិងអ្នកគ្រប់គ្រង់តំបន់ទេសចរណ៍ធ្វើឲ្យមតិមហាជនដាក់ការសង្ស័យថាមន្ត្រីពីររូបខាងលើដែលជាម្ចាស់ដែនសមត្ថកិច្ចបានប្រចាំការនៅទីនោះទំនងជាអ្នកជួយលាក់បាំងនិងឃុបឃិតក្នុងសកម្មភាពនេះទើបឆ្លើយយករួចខ្លួនបើសិនជាមន្ទីររកឃើញថាគ្មានច្បាប់អនុញ្ញាតិត្រឹមត្រូវនោះ៕សៅ... សូមអានត... »

ខេត្តរតនគិរី៖ រាជរដ្ឋាភិបាលកម្ពុជា រួមជាមួយរដ្ឋាភិបាលសាធារណរដ្ឋសង្គមនិយមវៀតណាម នាព្រឹកថ្ងៃទី១៩ ខែកក្កដា ឆ្នាំ២០១៧នេះ... សូមអានត... »

ភ្នំពេញ ៖ យោងតាមសំដីរៀបរ៉ាប់ពីបុរសម្នាក់ ដែលជាអតីតសន្តិសុខយាមកាម ផ្ទះឯកជន ទល់មុខ សាកលវិទ្យាល័យកម្ពុជា U C កាលពីកន្លងទៅបាននិយាយថា... សូមអានត... »

បាត់ដំបង:នៅក្នុងអង្គសិក្ខាសាលាអាជ្ញាធរខេត្តបាត់ដំបងបានជំរុញដល់មន្ត្រីទទួលបន្ទុកហិរញ្ញវត្ថុចំនួន១០០នាក់មកពីបណ្តាមន្ទីរនិងអង្គភាពជំនាញពាក់ពន្ធ័ចំនួន៧អោយពង្រឹងសមត្ថភាពការងាររបស់ខ្លួនអោយមានប្រសិទ្ធភាពបន្តរឲ្យកាន់តែល្អដើម្បីរួមចំណែកដល់ការអភិវឌ្ឍន៍សង្គមជាតិ។ក្នុងអង្គសិក្ខាសាលាដែលក្រសួងសេដ្ឋកិច្ចនិងហិរញ្ញវត្ថុបន្តបើកវគ្គបណ្តុះបណ្តាលលើនីតិវិធីអនុវត្តថវិកានិងកម្មវិធីសម្រាប់អង្គភាពថវិការដល់មន្ត្រីរាជការចំនួន១០០នាក់ដែលមកពីខេត្តបាត់ដំបងប៉ៃលិនពោធិ៍សាត់និងខេត្តបន្ទាយមានជ័យធ្វើឡើងនៅថ្ងៃទី១៧កក្តដានេះលោកចន្ទ័.សុផលអភិបាលខេត្តបាត់ដំបងបានលើកឡើងថា:មន្ត្រីក្នុងមន្ទីរអង្គភាពនានាពាក់ពន្ធ័នៅថ្នាក់ខេត្តទាំងអស់ត្រូវប្រឹងប្រែងធ្វើយ៉ាងណាក្នុងការលើកកម្ពស់អោយបាននូវការយល់ដឹងលើជំនាញរបស់ខ្លួនដើម្បីឆ្លើយតបទៅនិងកិច្ចការជំនាញសំដៅរួមចំណែកអនុវត្តការកែទម្រង់ការគ្រប់គ្រងហិរញ្ញវត្ថុសាធារណះពិសេសសម្រាប់ការអនុវត្តថវិកាកម្មវិធីពេញលេញនិងអង្គភាពថវិការ។លោកបន្តថា:កន្លងមកមន្ត្រីមួយចំនួនជួបនូវបញ្ហាប្រឈមខ្លះៗក្នុងការអនុវត្តការងារកែទម្រង់ការគ្រប់គ្រងហិរញ្ញវត្ថុសាធារណះដោយសារតែកង្វះធនធានមនុស្សនិងបទពិសោធន៍គ្រប់គ្រាន់នៅមានកំរឹតនៅឡើយ។វគ្គបណ្តុះបណ្តាលនីតិវិធីអនុវត្តថវិកាកម្មវិធីសម្រាប់អង្គភាពថវិកានេះពិតជាមានសារះសំខាន់ណាស់ដែលឆ្លើយតបទៅនឹងតម្រូវការជាក់ស្តែងនៃការអភិវឌ្ឍន៍សមត្ថភាពនិងលើកកម្ពស់ការយល់ដឹងរបស់មន្ត្រីនៃមន្ទីរអង្គភាពជុំវិញខេត្តពិសេសមន្ត្រីរាជការដែលជារជ្ជទេយ្យករនិងរជ្ជទេយ្យកររងរួមទាំងមន្ត្រីទទួលបន្ទុកហិរញ្ញវត្ថុដែលបាននិងកំពង់ចាប់ផ្តើមអនុវត្តថវិកាកម្មវិធីពេញលេញសាកល្បងនៅឆ្នាំ២០១៧នេះដែលជាផ្នែកមួយនៃកម្មវិធីនយោបាយរបស់រាជរដ្ឋាភិបាលនីតិកាលទី៥នៃរដ្ឋសភា។ដោយឡែកនាយកវិទ្យាស្ថានសេដ្ឋកិច្ចនិងហិរញ្ញវត្ថុនៃក្រសួងសេដ្ឋកិច្ចនិងហិរញ្ញវត្ថុលោកអិន.អេនបានពន្យល់ថា:កម្មវិធីបណ្តុះបណ្តាលនិងកសាងសមត្ថភាពនេះគឺមានគោលបំណងបង្កើនការយល់ដឹងនិងពង្រីកសមត្ថភាពថែមទៀតដល់មន្ត្រីរាជការនៃមន្ទីរអង្គភាពពាក់ពន្ធ័នៅគ្រប់រាជធានីខេត្តទូទាំងប្រទេសអនុវត្តថវិការកម្មវិធីពេញលេញប្រកបដោយប្រសិទ្ធភាពតម្លាភាពនិងគណនេយ្យភាពអនុលោមតាមក្រមសីលធម៌និងវិជ្ជាជីវះជាធរមាន។ចំពោះវគ្គបណ្តុះបណ្តាលខាងលើនេះគឺផ្តោតសំខាន់ទៅលើមូលដ្ឋាននៃការរៀបចំថវិកាតាមកម្មវិធីនិងការបង្កើតអង្គភាពថវិការនីតិវិធីនៃការអនុវត្តថវិកាសម្រាប់អង្គភាពថវិការួមនិងនីតិវិធីនៃការគ្រប់គ្រងរជ្ជទេយ្យចំណូលនីតិវិធីចំណាយតាមរជ្ជទេយ្យបុរេប្រទាននិងកិច្ចបញ្ជីការគណនេយ្យកាន់កាប់ដោយរជ្ជទេយ្យករចំណូលនិងរជ្ជទេយ្យប្រទានឲ្យកាន់តែល្អប្រសើរ៕សៅ... សូមអានត... »

បាត់ដំបង:បច្ចុប្បន្នមហាជននិងប្រជាពលរដ្ឋនៅតែមើលឃើញថានៅលើទីផ្សារខេត្តបាត់ដំបងនៅតែមានលក់សាច់មាន់,ឆ្អឹងស្លាប,ជង្គង់មាន់រួមនិងសាច់ជ្រូក,ត្រីក្លាសេយ៉ាងច្រើនស្ទើរគ្រប់លើទីផ្សារទាំងនេះហើយដែលមហាជននិងប្រជាពលរដ្ឋដាក់សំណួរមកទូរទស្សន៍ព្រះនរាយថា:តើនៅតាមច្រកព្រុំដែនកម្ពុជាថៃចំណុះក្នុងខេត្តបាត់ដំបងមានមន្ត្រីគយឬមន្ត្រីពាក់ព័ន្ធនានានៅប្រចាំការដែរឬទេ?បានជាទំនិញខូចគុណភាពនៅតែមានជាបន្តបន្ទាប់គ្រប់ច្រកជាពិសេសច្រកអូរំដួលក្នុងស្រុកភ្នំព្រឹកនិងច្រកភ្នំដីខេត្តបាត់ដំបង។ក្រុមមហាជននិងប្រជាពលរដ្ឋបន្តជាសំណួរទៀតថា:បច្ចុប្បន្នមន្ត្រីគយបង្ក្រាបដុតចោលបានតិចតែលក់ក្នុងទីផ្សារកាន់តែច្រើនដែលធ្វើឲ្យពួកគាត់ជាប្រជាពលរដ្ឋនៅតែជាក្តីកង្វល់ចំពោះសុខភាពចាប់រាប់ពីពួកគាត់រហូតដល់កូនដល់ចៅជំនាន់ក្រោយទទួលរងគ្រោះពីបញ្ហានេះ។ឆ្លើយតបនិងការលើកឡើងរបស់មហាជននិងប្រជាពលរដ្ឋលោកហាក់.សុខរិនមេគយសាខាខេត្តបានបញ្ជាក់ប្រាប់អ្នកកាសែតនៅថ្ងៃទី១៥ខែកក្កដានេះខណះដែលលោកនិងមន្ត្រីលោកបានចាប់បានសាច់និងឆ្អឹងមាន់ដែលខូចគុណភាពចំនួន១២០គីឡូក្រាមរួមនិងនំដែលគ្មានស្លាកយីុហោចំនួន២០គ.កផងដែរនោះថា:ការបង្ក្រាបនេះដោយសាតែខាងលោកបានសហការណ៍ជាមួយមន្ត្រីគយប្រចាំច្រករួមនិងសមត្ថកិច្ចប្រចាំដែនទីនោះផងទើបឆ្មក់ចាប់បានលោកថា:ទន្ទឹមនិងចាប់បាននេះសោធក៏មានការឃ្លាំមើលជាប្រចាំផងដែរនេះបើយោងតាមសំដីរបស់លោកហាក់.សុខរិនបានបញ្ជាក់ប្រាប់អង្គភាពpressNewsប្រចាំខេត្តបាត់ដំបងធ្វើការចុះផ្សាយថ្ងៃទី១៥ខែកក្កដានេះ។ក្រោយពីបង្ក្រាបបានហើយមន្ត្រីគយដែលបានសហការណ៍ដ៏ស្អិតរមួតជាមួយគយប្រចាំការរួមនិងសមត្ថកិច្ចបានដុតបំផ្លាញចោលភ្លាមៗឲ្យមហាជននិងពលរដ្ឋមើលឃើញ។ការរៀបរាប់ពីបញ្ហាសហការណ៍ជាមួយគយច្រកអូរំដួលរបស់លោកហាក់.សុខរិននោះត្រូវបានមហាជននិងពលរដ្ឋលើកជាសំណួរបន្តថា:តើក្រៅពីសាខាខេត្តខកខានសហការណ៍នោះក្នុងមួយថ្ងៃៗចំណីអាហារដែលព្រៀបដូចកាកសំណល់នោះចូលក្នុងទីផ្សារប៉ុន្មានទៅ?ក្រុមប្រជាពលរដ្ឋនិងមហាជនសំណូមពរដល់លោកអភិបាលខេត្តបាត់ដំបងច័ន្ទ.សុផលជាពិសេសរដ្ឋមន្ត្រីសាមីមេត្តាចាត់វិធានការក្តៅចំពោះមន្ត្រីគយតាមច្រកនិមួយៗឲ្យពង្រឹងសមត្ថភាពខ្លួនកុំចាំបាច់តែសាខាខេត្តចេញមុខសហការណ៍ដាស់ទឿនទើបចាប់បាននោះ៕សៅ... សូមអានត... »