ខេត្តកណ្តាល ៖ ឡូជាច្រើននៅក្នុងរដូវបើកនេសាទក្នុងទឹកដីខេត្តកណ្តាល គឺមានការសុំច្បាប់ពីថ្នាក់មូលដ្ឋានដល់ថ្នាក់ស្រុក ខេត្ត ក្នុងនោះមានការអនុញ្ញាតខ្លះទៀតបានផុតសុពលភាព តែពួកគេនៅតែអាចបន្តធ្វើបាន ដូចជាឡូលេខ៧ជាដើម ។
ប្រជាពលរដ្ឋបានប្រាប់ថាឡូលេខ៨ នៅភចំណុចតាព្រហ្ម ភូមិយួន ឃុំលើកដែក ស្រុកកោះធំ របស់លោក ហ៊ុយ គឺមានការដោះដូរត្រឹមឃុំគឺមិនបានសុំច្បាប់ត្រឹមត្រូវទេ ។ ការដោះដូរនោះគេមិនដឹងថា ឃុំទទួលលុយប៉ុន្មានពីអ្នកម៉ៅការឈ្មោះ ហ៊ុយ នោះទេ ។
ប្រជាពលរដ្ឋស្នើដល់ អភិបាលខេត្តកណ្តាល ឯកឧត្តម គួច ចំរើន មេត្តាពិនិត្យអំពីការបង្កើតសហគមន៍ដើម្បីការពារមច្ឆាជាតិ បែរជានាំគ្នាបំផ្លាញមឆ្ឆាជាតិ និងឃុបឃិតគ្នាយកលុយដាក់ផ្ទះរៀងៗខ្លួន ក្រោមលេសយកមកសាងហេដ្ឋារចនាសម្ព័ន្ធក្នុងមួលដ្ឋានជារៀងរាល់ឆ្នាំ ៕
