រោងចក្រផលិតបារី ៣កន្លែងនៅក្បែរភ្នំតាម៉ៅ បំពុលបរិស្ថានធ្ងន់ធ្ងរដល់ខ្យល់ដង្ហើមរបស់ប្រជាពលរដ
ខេត្តតាកែវ : រោងចក្រផលិតបារី បីកន្លែងនៅម្តុំភ្នំតាម៉ៅ កំពុងធ្វើអោយប្រជាពលរដ្ឋរស់នៅក្បែររោងចក្រ មានការលំបាកក្នុងរស់នៅ ពិសេសបញ្ហាការដកដង្ហើម ដោយធំខ្លិនស្អុយថ្នាំជក់ ពេលខ្យល់បក់មកលើផ្ទះពួកគាត់ម្តងៗ ។
ប្រជាពលរដ្ឋថា : រោងចក្រមាន២ទីតាំងនៅ ភូមិកណ្តឹងធំ ឃុំកណ្តឹង ស្រុកបាទី ខេត្តតាកែវច្រកចូលភ្នំម៉ៅ និងមួយទីតាំងទៀត នៅក្បែររោងចក្រកាត់ដេរ និងនៅក្បែរផ្ទះប្រជាពលរដ្ឋ ក្នុងភូមិពូនភ្នំ ឃុំត្រពាំងសាប ស្រុកបាទី ។ ទីតាំងនេះជះក្លិនជាងគេ នឹងមានការយាមកាមតឹងរឹងផងដែរ ។
ប្រជាពលរដ្ឋស្នើដល់មន្រ្តីពាក់ព័ន្ធ មានក្រសួង ស្ថាប័ន អាជ្ញាធរមូលដ្ឋាន មេត្តាចុះមកពិនិត្យ .ហើយបើចង់ដឹងច្បាស់គួរដេកក្នុងផ្ឋះសំណាក់ ផ្ទះប្រជាពលរដ្ឋ ឬ បោះតង់ នៅក្បែររោងចក្របារី អោយបាន១អាទិត្យ នោះច្បាស់ជាដឹងហើយ តែបើឯកឧត្តម លោកជំទាវ លោក លោកស្រី គ្រាន់តែមកអើតៗ ហើយត្រលប់ទៅវិញ ច្បាស់ជាបានតែ របាយការណ៍ល្អៗ ប៉ុណ្ណោះ ។
នៅថ្ងៃទី៧ ខែតុលា ឆ្នាំ២០២៥ នេះក្រុមការងារព្រះនរាយណ៍ មិនអាចរកការបំភ្លឺ ពីអ្នកនាំពាក្យសាលាខេត្តតាកែវ និង សាលាស្រុកបាទី បាននៅឡើយទេ ៕
