ព្រះចន្ទនក្ខត្តប្ញក្សនេះ នឹងរំកិលមកជិតភពផែនដី ដែលមនុស្សលោកនៅលើភពផែនដី នឹងឃើញព្រះចន្ទធំជាងរាល់ដង ១៤ ភាគ ហើយមានពន្លឺភ្លឺស្វាងជាងរាល់ដង ៣០ដង ដែលជិត ៧០ឆ្នាំ ទើបមានម្តង។ កាលពីឆ្នាំ១៩៤៨ មនុស្សលោកបានឃើញម្តង ហើយពេលនេះ បានឃើញម្តងទៀត។ ត្រូវរង់ចាំរហូតដល់ឆ្នាំ២០៣៤ ទើបមនុស្សលោក នឹងមើលឃើញម្តងទៀត។
យោងតាមជំនឿរបស់ខ្មែរបុរាណ ព្រះចន្ទនក្ខត្តឫក្សនេះ មានភាពពូកែស័ក្តិសិទ្ធណាស់! ប្រសិនបើរៀបគ្រឿងសក្ការៈបូជាដល់ព្រះចន្ទពេញបូរមីនក្ខត្តឫក្សនេះ (គ្រឿងសក្ការៈ រួមមាន ស្លាធម៌កូនចេកមួយគូ ទៀនប្រាំ ធូបប្រាំ ផ្កា ទឹកអប់ អំបុក ចេក ដូង ជាដើម) បំណងប៉ងប្រាថ្នារបស់យើង នឹងបានសម្រេចដូចសេចក្តីប្រាថ្នា៕
