ខេត្តកំពង់ស្ពឺ ៖ សេចក្តីរាយការមកបានអោយដឹងថា នាយរងសេនាធិការកងរាជអាវុធហត្ថខេត្តកំពង់ស្ពឺ លោក អ៊ុង ឬទ្ធី អាច ជាប់ពាក់ព័ន្ធនិងល្បែងកន្ទុយលេខវៀតណាម (មេប្រមូលក្នុងខេត្ត) ដោយប្រមូលលុយរាប់រយលានរៀល ក្នុងមួយថ្ងៃៗពីអ្នកចាក់នៅតាមបណ្តាភូមិស្រុកក្នុងខេត្តកំពង់ស្ពឺ និងខេត្តកំពង់ឆ្នាំង ។
ទោះជាគេដឹងយ៉ាងនេះក្តីលោក អ៊ុង ឬទ្ធី ថាខ្លួនមិនពាក់ព័ន្ធនោះទេ ជាមុខរបររបស់ប្រពន្ធ ។ល។។
ទាក់ទងនិងល្បែងកន្ទុយលេខនេះដែរ កន្លងទៅដោយសារតែកាច់កុងគ្នារឿងប្រយោជន៍ខុសច្បាប់ ធ្វើអោយស្រ្តីម្នាក់ឈ្មោះ ង៉ែត ជាអ្នករកស៊ីគត់ឆ្នោតនៅក្នុងផ្សារកំពង់ស្ពឺ ត្រូវបានឃុំខ្លួនតាមនីតិវិធីមួយរយៈ ។ ហើយត្រូវគេសង្ស័យនិងខ្សឹបខ្សៀវពីមាត់មួយទៅមាត់មួយថា ព្រោះតែរឿងកត់បានហើយមិនដាក់បន្តអោយបងធំឆ្នោតក្នុងខេត្ត ។
សេចក្តីរាយការបានអោយដឹងទៀតថា មធ្យោបាយក្រុមឆ្នោតវៀតណាម គេប្រើកម្មវិធីបណ្តាញសង្គមមួយគឺ Line ក្នុងការដែលផ្តល់ទិន្ន័យលេខចាក់និងចំនួនទឹកលុយ ដែលបានកត់លើក្រដាស់តាមគោលដៅកូនកញ្ជ្រែង ។ ដោយកូនកញ្ជ្រែងជាអ្នកថតផ្ញើអោយមក(មេប្រមូល) មុនម៉ោងលទ្ធផលឆ្នោតចេញតាមប៉ុស្ត៍និមួយៗ ។
គួររំលឹកថា រឿងល្បែងកន្ទុយលេខវៀតណាមកើតពេញបន្ទុកក្នុងខេត្ត តែការបង្ក្រាបហាក់ស្ងាត់ជ្រងំ ដោយអ្នកខ្លះយកឡេះថា ជាឆ្នោតខ្មែរមានច្បាប់ តែបើខុសខ្សែគំរាមអាងនឹងចាប់យកទៅអនុវត្តន៍ច្បាប់ ៕