ខេត្តស្វាយរៀង ៖ ប្រជាពលរដ្ឋមានការព្រួយបារម្មណ៍ពីសុវត្ថិភាព ចំណីអាហារ ខណៈសមត្ថកិច្ចបណ្តែតបណ្តោយឲ្យឈ្មួញវៀតណាមដឹកទំនិញបន្លែផ្លែឈើ ត្រីសាច់ពោះគោពោះជ្រូកគ្រឿងក្នុងមាន់ទា និងសាច់មាន់ទា នុំកញ្ចប់ ពីប្រទេសវៀតណាមចូលមកតាមច្រករបៀងកំពង់ស្ពានភូមិបាវិតកណ្តាល ច្រករបៀងសាលាក្រុងភូមិតាបិបសង្កាត់បាវិតក្រុងបាវិតដូចហែកឋិន មានទាំងរថយន្តចំណុះ២តោនកន្លះ រ៉ឺម៉កម៉ូតូ និងម៉តូកង់បី រាប់សិបគ្រឿងពុំមានឃើញសមត្ថកិច្ចណាចុះមកត្រួតពិនិត្យឡើយ។ ជាក់ស្តែងនៅថ្ងៃទី១១កញ្ញា២០១៨វេលាម៉ោង៤និង៣០នាទីព្រឹករហូតដល់ម៉ោង៩ព្រឹក។
បើតាមប្រជាពលរដ្ឋដែលរស់នៅភូមិបាវិតកណ្តាលបានឲ្យដឹងថា ឈ្មួញវៀតណាមបានដឹកទំនិញពីប្រទេសវៀតណាមចូលមកក្រុងបាវិតតាមច្រករបៀងកំពង់ស្ពានជាច្រើនខែមកហើយគឺម៉ោង៤ទៀបភ្លឺឈ្មួញវៀតណាមចាប់ផ្តើមដឹកទំនិញចូលមកដូចគេហែកឋិន មិនដែលឃើញសមត្ថកិច្ចណាមកត្រួតពិនិត្យទេមានតែអ្នកមកដាក់កុងត្រូលយកលុយបណ្តាក់ដូចខ្យង។
ឈ្មួញដឹកតាមរថយន្តហ៊ីយិនដាយចំណុះ២តោនកន្លះ៤គ្រឿងមានម៉ាកតូរិស ម៉ូតូរ៉ឺម៉កម៉ូតូកង់បីរាប់សិបគ្រឿង មានបន្លែផ្លែឈើ ត្រីសាច់មាន់សាច់ទា ពោះគោ ពោះជ្រូក គ្រឿងក្នុងមាន់ទា មកចែកចាយចំនួន៥កន្លលែងនៅក្នុងភូមិបាវិតកណ្តាលរួចផ្ទេរដាក់រថយន្តតូរិសដឹកចែកតាមផ្សារក្នុងខេត្តនិងដឹកទៅរាជធានីភ្នំពេញនិងដាក់តាមកាស៊ីណូក្នុងក្រុងបាវិត។
ហើយ២កន្លែងទៀតស្ថិតនៅជាប់ផ្លូវជាតិលេខ១ស្ថិតនៅភូមិតាបិបសង្កាត់បាវិតក្រុងបាវិត។ការបើកដៃឲ្យឈ្មួញវៀតណាមនាំបន្លែត្រីសាច់ពោះគោ ពោះជ្រូកគ្រឿងក្នុងមាន់ទា សាច់ជ្រូកមាន់ទាចូលតាមច្រករបៀងនេះសម្តេចក្រឡាហោមសខេងឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃបានចេញសារាចរណ៍ណែនាំអាជ្ញាធរក្រុងស្រុកខេត្តមន្ត្រីជំនាញសហការទប់ស្កាត់និងបង្ក្រាបមិនអនុញ្ញាតិឲ្យមនុស្សចរាចរណ៍នាំទំនិញគ្រប់ប្រភេទតាមច្រករបៀងទេក៏បន្តែប្រជាពលរដ្ឋសង្កេតឃើញថា សមត្ថកិច្ចឈជើងតាមច្រករបៀងបានបើកដៃឲ្យឈ្មួញនាំទំនិញពីប្រទេសវៀតចូលតាមច្រករបៀងផ្គើនប្រសាសន៍សម្តេចក្រឡាហោម។
ទាក់ទិនករណីនេះដែរលោកផឹងនិល ប្រធានសាខាកាំកុងត្រូលខេត្តស្វាយរៀងបានមានប្រសាសន៍តាមទូរសព្ទ័ថា លោកជ្រាបដែរហើយធ្លាប់ឲ្យមន្ត្រីជំនាញចុះទៅពិនិត្យនៅតាមទីតាំងដែលឈ្មួញស្តុកទំនិញបន្លែផ្លែឈើ ទាំងនោះពីបីដងមកហើយពុំដែលរកឃើញសារជាតិគីមីហាមឃាត់ទេទើបចេះតែអនុគ្រោះឲ្យនាំចូលមកហើយចាំលោកផ្តល់របាយការណ៍ជូនតាមក្រោយ។
រីឯប្រជាពលរដ្ឋក្រុងបាវិតបានលើកឡើងថា ពួកគាត់មានការព្រួយបារម្មណ៍ពីសុវត្ថិភាពចំណីអាហារនេះខ្លាំងណាស់ជាពិសេសចំពោះក្មេងៗ ទៅសាលារៀន មានអ្នកលក់ផ្លែឈើគ្រប់មុខ មានសាវម៉ៅ មៀន ផ្លែសារីវៀតណាម នុំកញ្ចប់ ចាហួយ និងទឹកសារ៉ូគួរឲ្យព្រួយបារម្មណ៍ដោយសមត្ថកិច្ចពិនិត្យតាមផ្សារចាប់បានជាច្រើនករណី ក៏ប៉ុន្តែឈ្មួញភាគច្រើនដឹកលក់តាមម៉ូតូនិងតាមតូបក្បែសាលារៀន។
ប្រជាពលរដ្ឋសំណូមពរដល់រាជរដ្ឋាភិបាលមេត្តារឹតបន្តឹងដល់មន្ត្រីជំនាញថ្នាក់ក្រោមជាតិជាពិសេសមន្ត្រីកាំកុងត្រូលខេត្តស្វាយរៀងចុះទប់ស្កាត់និងពិនិត្យមុខទំនិញផ្លែឈើត្រីសាច់ជ្រូកពោះគា ពោះជ្រូកគ្រឿងក្នុងមាន់ទានាំចូលពីប្រទេសវៀតណាមតាមច្រករបៀងឲ្យមានប្រសិទ្ធិភាពដើម្បីធានាសុវត្ថិភាពចំណីម្ហូបអាហារនិងសុខមាលភាពដល់ប្រជាពលរដ្ឋ៕