ខេត្តរតនគិរី ៖ រយៈពេលជាង ២ខែ មកនេះសកម្មភាពមេឈ្មួញដែលល្បីឈ្មោះនៅខេត្តរតនគិរី ឈ្មោះវ៉ៃ និង ស៊ីនឿន ដែលមានមេក្លោងឈ្មោះ ណាក់ បាននាំគ្រឿងចក្រជាច្រើនគ្រឿងចូលទៅកាប់ព្រៃឈើសហគមន៍ភូមិបាលដលឃុំសេសាន្តស្រុកអូរយ៉ាដាវ យ៉ាងត្រជាក់ចិត្ត និង ដោយមិនមានរំខានដល់ស្ថាប័ន អង្គភាពជំនាញណាមួយនោះទេ ?
ប្រភពបានបង្ហើបថា តំបន់ព្រៃសហគមន៍នេះ គឺនៅក្បែរច្រកព្រំដែនប្រទេសវៀតណាមមិនដល់ ១០គីឡូនោះទេ ដែលជាភាពងាយស្រួលក្នុងការដឹកជញ្ជូនចេញទៅប្រទេសវៀតណាម ។
លោក រចំ ស្មើលប្រធានសហគមន៏ខាងលើ ក្រុមការងារយើងមិនអាចរកការបំភ្លឺបានទេ នៅព្រឹកថ្ងៃទី14 កញ្ញា នេះ ពីករណីដែលថា លោកបានលក់ដើមឈើ នៅក្នុងព្រៃសហគមន៍ទៅអោយមេឈ្មួញ ក្នុងតំលៃជាង 3ម៉ឺនដុល្លានោះ ?
អាស្រ័យដូច្នេះ នេះជាព័ត៌មានមួយជូនទៅដល់អង្គភាពពាក់ព័ន្ធពិសេសលោក គឹមរស្មី មេបញ្ជាការដ្ឋាន កងរាជអាវុធហត្ថខេត្តរតនគិរី មេត្តាចុះពិនិត្យមើល តាមលទ្ធភាពដែលអាចធ្វើទៅបាន ៕
