ខេត្តមណ្ឌលគិរី-ដោយ ខាន់ ណា ៖ រូបភាពដែលខុសគ្នារវាងរថយន្តប៉ាកុង ក្រោយពីមាន ករណីបង្ក្រាបចាប់ រថយន្តប៉ាកុងដឹកឈើ២គ្រឿង រួមទាំងមនុស្ស៥នាក់ ដែលកម្លាំងយោធា នៃវរព្រំដែនគោក១០៣ ដឹកនាំបង្ក្រាបដោយ លោក វីរសេនីយ៍ទោ យិន ចន្ទ័ទី នឹងចេញបញ្ជា ផ្ទាល់ដោយលោក ឡុង ហុកម៉េង ព្រះរាជអាជ្ញាសាលាដំបូងខេត្តមណ្ឌលគិរី កាលពីវេលាម៉ោងជាង៨យប់ថ្ងៃទី១មករា ត្រូវបានប្រជាពលរដ្ឋក្នុងស្រុកនិយាយពេញមាត់ថា ៖ អធិការស្រុកកោះញែក នឹងម្នាក់ទៀត ដែលជាម្ចាស់ឈើនឹងរថយន្តឈ្មោះ ចន ភី ដែលជាឈ្មួញនោះ បានធ្វើការផ្លាស់ប្តូរឈើ និងរថយន្ត ( ដើម្បីបង្វែសំណុំរឿង) នេះបើតាមរូបភាពដែលគេបានឃើញពេលយប់ ខណៈរថយន្តប៉ាកុងដឹកឈើនោះ ត្រូវកម្លាំងប្រតិបត្តិការចាប់ យកមកផ្ញើរនឹងអធិការដ្ឋាននគរបាលស្រុកកោះញ៉ែក ។
បើតាមប្រភពបញ្ជាក់ថា ត្រូវបានអធិការដោះលែងមនុស្សប្រាំនាក់ផងដែរ មិនត្រឹមតែប្តូរក្លែងវត្ថុតាងជារថយន្តប៉ុណ្ណោះទេ ។ ឯម្ចាស់រថយន្ត ដឹកឈើខាងលើ ជាមន្ត្រីប៉ូលិសសេដ្ឋកិច្ច ម្នាក់មានឈ្មោះ ចន ភី នៅក្នុង សាច់រឿងដែលគួរឲ្យអស្ចារ្យនេះ សូម្បីតែឋានៈអធិការសោះ ដឹងច្បាស់ហើយថាធ្វើនេះខុសច្បាប់ ក៏នៅតែធ្វើដែរ ។
ដោយឡែក ការចុះហត្ថលេខា ទទួលប្រគល់ពីមន្ត្រីយោធាវីរព្រំដែន១០៣ ដែលបានប្រគល់វត្ថុតាងឲ្យនោះ លោក ខ្លូត សុឃា អធិការ មិនចុះហត្ថលេខាទទួលទេ លោកអធិការបែជាបញ្ជាឲ្យ ឈ្មោះ យ៉ម ហ៊ុនអេង ជានាយរងទៅវិញ ឲ្យចុះហត្ថលេខាទទួលប្រគល់ ។ តែរហូតមកដល់ពេលនេះលោក យ៉ម ហ៊ុនអេង កំពុងតែជ្រួលច្របល់ ទាំងដឹងថា ខ្លួនបានចុះហត្ថលេខាមិនត្រឹមត្រូវ ចំណែកលោក ចន ភី ជាប៉ូលិសសេដ្ឋកិច្ចរូបនោះ ដែលគេថាជាម្ចាស់ រថយន្ដដឹកឈើខាងលើនោះ ភ្នាក់ងាយើងកំពុងស្វែងរកសុំការបំភ្លឺ ៕