កណ្តាល ៖ ឯកឧត្តម ឧកញ៉ា បណ្ឌិត ជា រតនា ប្រធានគណៈពង្រឹងឃុំតាលន់ ស្រុកស្អាង ខេត្តកណ្តាល (ទីប្រឹក្សារាជរដ្ឋាភិបាល) មានប្រសាសន៏ក្នុងពិធីសន្និបាត គណៈកម្មាធិការគណៈបក្សឃុំ តាលន់ នៅព្រឹកថ្ងៃទី 13ខែមករា ឆ្នាំ 2017 នេះថា ការខិតខំបន្តប្រព្រឹត្តនូវអំពើល្អ គ្រប់ផ្នែកការងាររបស់ខ្លួន វានឹងទទួលបានលទ្ធផលល្អមកវិញ ។ បានន័យថា ក្នុងនាមយើងជាអ្នកបំរើប្រជាពលរដ្ឋ គឺត្រូវបំរើដោយភាពស្មោះត្រង់ វាជាផ្នែកមួយក្នុងការបង្កើនការជឿទុកចិត្ត ក៏ដូចប្រជាប្រិយភាព ពីសំណាក់ប្រជាជន។ឯកឧត្តម បានបន្តថា ការបោះឆ្នោតស្ទាប់ស្ទង់ ដើម្បីជ្រើសរើសបេក្ខភាពដែលត្រូវឈរឈ្មោះបោះឆ្នោតជ្រើសរើសក្រុមប្រឹក្សាឃុំ នៅថ្ងៃទី4 ខែមិថុនា ឆ្នាំ 2017 នេះ វាបានកើតឡើងចេញពីឆន្ទះបងប្អូន ជាសមាជិក សមាជិកា ដែលបានផ្តល់ការទុកចិត្ត ក្នុងការដឹកនាំនិងការអនុវត្តន៏គោលនយោបាយឃុំ 2017 ដល់2022 ។ដូច្នេះការប្រកួតប្រជែង នៅពេលខាងមុខ ជាការបោះឆ្នោតថ្នាក់មូលដ្ឋាន គឺទាមទារអោយយើងទាំងអស់គ្នា មានសាមគ្គីភាព ឯកភាព និង យោគយល់គ្នា ទៅវិញទៅមក និង ជាគ្រួសារតែមួយ ។
ក្រោយពីបញ្ចប់ សន្និបាតប្រកបដោយជោគជ័យ ឯកឧត្តម ឧកញ៉ា បណ្ឌិត រួមនឹងក្រុមការងារ បានប្រគល់ជូនសំលាក់បំពាក់ប្រជាការពារ ឃុំ ដែលឧបត្ថម្ភដោយ ឯកឧត្តមផ្ទាល់ និង បានចែកជូនអំណោយ មានគ្រឿងឧបភោគ បរិភោគ រួមទាំងថវិកា ដល់ប្រជាជនក្រីក្រ ចំនួន 7 គ្រួសារ ផងដែរ ៕