នៅព្រឹកថ្ងៃសុក្រ១១ រោចខែជេស្ឋឆ្នាំកុរឯកស័ក ព,ស ២៥៦៣ ត្រូវនឹងថ្ងៃទី ២៨ ខែមិថុនាឆ្នាំ ២០១៩នេះឯកឧត្តមម៉ែន វិបុល ប្រធានគណៈកម្មាធិការគណបក្សប្រជាជនកម្ពុជាខេត្តស្វាយរៀងបានអញ្ជើញជាអធិបតីក្នុងពិធីអបអរសាទរខួបអនុស្សាវរីយ៍លើកទី ៦៨ ថ្ងៃបង្កើតគណបក្សប្រជាជនកម្ពុជា (២៨,មិថុនា ១៩៥១..២៨,មិថុនា ២០១៩) នៅសាលប្រជុំធំទីស្នាក់ការគណបក្សខេត្ត។
នៅក្នុងពិធីនោះដែលមានការអញ្ជើញចូលរួមពីរ ឯកឧត្តមប្រធានគណបក្ស ឯកឧត្តមប្រធានគណៈប្រចាំការ ឯកឧត្តម សមាជិក សមាជិកាគណៈអចិន្រ្តៃយ៍ ឧត្តម លោកជំទាវ លោក លោកស្រីសមាជិក សមាជិកាបក្សឃុំសរុប ៩៩៩នាក់។
បន្ទាប់ពីអានសន្ទរកថា របស់សម្ដេចអគ្គមហាសេនាបតីតេជោហ៊ុនសែន ប្រធានគណបក្សប្រជាជនកម្ពុជា និងមានមតិសំណេះសំណាលរួច ឯកឧត្តមប្រធានគណបក្សខេត្តបានឧបត្ថម្ភថវិកាជូនពិឮនិវត្តន៍ជននិងគ្រួសារមានគុណបំណាច់សម្រាប់ជាតិមាតុភូមិចំនួន ២០ នាក់ក្នុងម្នាក់ៗទទួលបានថវិកា ១០ ម៉ឺនរៀលផងដែរ។