ទូរទស្សន៍ ព្រះនរាយណ៍( prahnoreay tv ) ផ្សាយតាម www.prahnoreaytv.com ដោយទទួលបានអាជ្ញាប័ណ្ណពីក្រសួងព័ត៌មានខែធ្នូ ឆ្នាំ 2016 *** បាវនារបស់ ទូរទស្សន៍ ព្រះនរាយណ៍ គឺអាណាចក្រ ពុទ្ធចក្រ រួមគ្នា អភិវឌ្ឍន៍សង្គម ) | ទំនាក់ទំនងតាមទូរសព្ទលេខ 066 860 997 -087 860 997 ឬតាមសារអេឡិចត្រូនិច Email: prahnoreaytv@gmail.com
0

សមិទ្ធិផលដែលសម្រេចបានជាច្រើនកន្លែងក្នុងខេត្តបាត់ដំបងពេលនេះត្រូវបានសម្ពោធដាក់អោយប្រើប្រាស់ជាផ្លូវការហើយ

ខេត្តបាត់ដំបង៖សម្តេចក្រឡាហោមស.ខេងឧបនាយរដ្ឋមន្រ្តីរដ្ឋមន្រ្តីក្រសួងមហាផ្ទៃនៅព្រឹកថ្ងៃទី១៤ខែសីហាឆ្នាំ២០១៩នេះ បានអញ្ជើញជាអធិបតីក្នុងពិធីសម្ពោធដាក់ឲ្យប្រើប្រាស់ជាផ្លូវការនូវស្ពានច្រាំងចោតស្ថិតនៅភូមិរូងឃុំចែងមានជ័យស្រុកបាណន់និងស្ពាន៤ផ្សេងទៀតនៅស្រុកសំឡូតស្រុកបវិលស្រុកឯកភ្នំនិងស្រុកកំរៀងខេត្តបាត់ដំបងដែលសមិទ្ធផលទាំងនេះជាហិរញ្ញប្បទានរបស់រាជរដ្ឋាភិបាលកម្ពុជា។

នៅក្នុងពិធីនេះដែរក៏មានវត្តមានលោកទេសរដ្ឋមន្ត្រីស៊ុន.ចាន់ថុលរដ្ឋមន្ត្រីក្រសួងសាធារណការនិងដឹកជញ្ជូនជាគណះប្រតិ្តភូអមដំណើរផងដែររួមនិងមន្ត្រីរាជការសាលាខេត្តរួមនិងមន្ទីរពាក់ព័ន្ធនានាជុំវិញខេត្តព្រមទាំងប្រជាពលរដ្ឋក្នុងមូលដ្ឋានជាច្រើនកុះករដើម្បីចូលរួមអបអរសាទ័រចំពោះសមិទ្ធិផលថ្មីដែលចេញពីការខិតខំនិងយកចិត្តទុកដាក់ពីសំណាក់រាជរដ្ឋាភិបាលក៏ដូចជារបស់គណះបក្សប្រជាជនផងដែរដែលខិតខំសម្រេចបានជាបន្តបន្ទាប់ដើម្បីឆ្លើយតបក្នុងសង្គមមួយដែលកំពង់តែមានសន្តិភាពល្អប្រកបដោយការអភិវឌ្ឈន៍ឥតឈប់ឈដើម្បីឆ្លើយតបតាមតម្រូវការរបស់ប្រជាពលរដ្ឋទូទៅ។
ជាកិច្ចចាប់ផ្តើមក្នុងអង្គពិធីដ៏អធឹកអធ័មនេះលោកសុន.ចាន់ថុលទេសរដ្ឋមន្ត្រីរដ្ឋមន្ត្រីក្រសួងសាធារណះការនិងដឹកជញ្ជូនបានឡើងអានរបាយការណ៍សង្ខែបជូនគណះអធិបតីក៏ដូចជាប្រជាពលរដ្ឋអោយបានជ្រាបអំពីសមិទ្ធិផលដែលសម្រេចបានជាច្រើនកន្លែងក្នុងខេត្តបាត់ដំបងយ៉ាងដូច្នេះថា:ស្ពានច្រាំងចោតដែលបានសម្ពោធអោយប្រើប្រាស់ក្នុងឨកាសនេះមានប្រវែង១៦២ម៉ែត្រទទឹង៨ម៉ែត្រស្ថិតក្នុងភូមិរូងឃុំចែងមានជ័យស្រុកបាណន់ខេត្តបាត់ដំបងត្រូវបានអនុវត្តន៍ការសាងសង់ដោយបញ្ជាការដ្ឋានវិស្វកម្មអគ្គបញ្ជាការនៃក្រសួងការពារជាតិនិងត្រូវបានត្រួតពិនិត្យការសាងសង់ដោយនាយកដ្ឋានហេដ្ឋារចនាសម្ព័ន្ធសាធារណៈនៃក្រសួងសាធារណការនិងដឹកជញ្ជូនដោយប្រើប្រាស់រយៈពេលនៃការសាងសង់ចំនួន០២ឆ្នាំដែលបានចាប់ផ្តើមសាងសង់នៅថ្ងៃទី២២ខែកុម្ភៈឆ្នាំ២០១៧និងបញ្ចប់រួចរាល់ជាស្ថាពរនៅថ្ងៃទី៣០ខែកក្កដាឆ្នាំ២០១៩កន្លងទៅដោយចំណាយថវិការាជរដ្ឋាភិបាលសរុបប្រមាណជា៤,៩៧១លានរៀលប្រមាណជាង១លានដុល្លារអាមេរិក។លោកបន្តថាដោយឡែកស្ពាន៤កន្លែងផ្សេងទៀតរួមមានទី១/ស្ពានប្រវែង៤៥ម៉ែត្រទទឹង០៨ម៉ែត្រស្ថិតនៅភូមិមាក់ឃុំព្រៃខ្ពស់ស្រុកបវេលខេត្តបាត់ដំបងប្រើប្រាស់ថវិការាជរដ្ឋាភិបាលសរុបប្រមាណជា១,៧១២លានរៀលដោយបានចាប់ផ្តើមសាងសង់នៅថ្ងៃទី០២ខែកុម្ភៈឆ្នាំ២០១៧និងបានបញ្ចប់នៅថ្ងៃទី១៣ខែមិថុនាឆ្នាំ២០១៨។ទី២/ស្ពានប្រវែង៧២ម៉ែត្រទទឹង១០ម៉ែត្រស្ថិតនៅភូមិព្រែកកញែងឃុំព្រែកនរិន្ទស្រុកឯកភ្នំខេត្តបាត់ដំបងប្រើប្រាស់ថវិការាជរដ្ឋាភិបាលសរុបប្រមាណជា៣,១៥១លានរៀលដោយបានចាប់ផ្តើមសាងសង់នៅថ្ងៃទី០២ខែកុម្ភៈឆ្នាំ២០១៧និងបានបញ្ចប់នៅថ្ងៃទី២០ខែឧសភាឆ្នាំ២០១៩។ទី៣/ស្ពានប្រវែង៥៤ម៉ែត្រទទឹង០៨ម៉ែត្រស្ថិតនៅភូមិបឹងអូរជាងឃុំកំរៀងស្រុកកំរៀងខេត្តបាត់ដំបងប្រើប្រាស់ថវិការាជរដ្ឋាភិបាលសរុបប្រមាណជា២,៤៥៩លានរៀលដោយបានចាប់ផ្តើមសាងសង់នៅថ្ងៃទី០២ខែកុម្ភៈឆ្នាំ២០១៧និងបានបញ្ចប់នៅថ្ងៃទី១០ខែឧសភាឆ្នាំ២០១៨។និងទី៤/ស្ថានប្រវែង១០២ម៉ែត្រទទឹង០៨ម៉ែត្រស្ថិតនៅភូមិអូររំចេកក្រោមឃុំអូរសំរិលស្រុកសំឡូតខេត្តបាត់ដំបងប្រើប្រាស់ថវិការាជរដ្ឋាភិបាលសរុបប្រមាណជា៣,១៥១លានរៀលដោយបានចាប់ផ្តើមសាងសង់នៅថ្ងៃទី២៦ខែមករាឆ្នាំ២០១៧និងបានបញ្ចប់នៅថ្ងៃទី២១ខែវិច្ឆិកាឆ្នាំ២០១៨។
ឆ្លើយតបនឹងសមិទ្ធផលថ្មីៗជាច្រើនកន្លែងសម្រាប់ខេត្តបាត់ដំបងនេះដែរសម្ដេចក្រឡាហោមស.ខេងបានលើកទឹកចិត្តដល់ប្រជាពលរដ្ឋទាំងអស់ត្រូវប្រើប្រាស់ស្ពានដែលទើបសម្ពោធនេះដើម្បីជាប្រយោជន៍ក្នុងន័យលើកកម្ពស់ជីវភាពរស់នៅប្រចាំថ្ងៃបន្ថែមទៀតក្នុងការដឹកជញ្ជូនផលិតផលឆ្លងកាត់បានយ៉ាងឆាប់រហ័សទៅកាន់ទីផ្សារធំៗនៅក្នុងខេត្ត។សម្ដេចក្រឡាហោមស.ខេងក៏បានគូសបញ្ជាក់ដែរថាបច្ចុប្បន្នប្រទេសកម្ពុជាកំពុងតែមានសុខសន្ដិភាពពេញលេញគ្មានក្រុមកងទ័ពក្រៅច្បាប់ណាមួយដើម្បីមកធ្វើសង្គ្រាមជាមួយរាជរដ្ឋាភិបាលទៀតនោះទេដែលនេះជាភព្វសំណាងរបស់ប្រជាជនកម្ពុជាទាំងអស់ក្រោមការដឹកនាំរបស់សម្ដេចតេជោហ៊ុន.សែនប្រមុខនៃរាជរដ្ឋាភិបាលកម្ពុជាបច្ចុប្បន្ននិងឆ្ពោះទៅអនាគត់ផងដែរ។សម្ដេចបន្តដោយសង្កត់ធ្ងន់ថាបើស្រុកគ្មានសុខសន្ដិភាពនិងការអភិវឌ្ឍន៍ដូចបច្ចុប្បន្ននោះប្រជាពលរដ្ឋក៏មិនមានពេលដើម្បីប្រកបមុខរបរប្រចាំថ្ងៃបានដោយក្តីសុខសាន្តនោះដែរដូច្នេះយើងទាំងអស់គ្នាត្រូវតែរួមគ្នាគិតដើម្បីកសាងជីវភាពឲ្យសប្បូរសប្បាយហើយកុំទៅជឿការឃោសនាអូសទាញពីមជ្ឈដ្ឋានអ្នកនយោបាយខ្លះដែលគេមានបំណងដើម្បីគៀងគរប្រមូលប្រជាពលរដ្ឋទៅគាំទ្រគេឲ្យទៅប្រឆាំងរាជរដ្ឋាភិបាលស្របច្បាប់តាមរយៈការធ្វើបាតុកម្មឬតាមរូបភាពផ្សេងៗនោះទេ៕សៅ​ សារិទ្ធ

Filed in: Uncategorized

Leave a Reply

Submit Comment

©២០១៣ រក្សាសិទ្ធិ​ដោយ​សារព័ត៌មាន PRAHNOREAYTV.com| ទូរស័ព្ទ៖ 066 860 997 / 087 860 997 | អ៊ីម៉ែល៖ prahnoreaytv@gmail.com

សហការផ្តល់ព័ត៌មាន៖ 066 860 997 / 087 860 997 | អ៊ីម៉ែល៖ prahnoreaytv@gmail.com