ខេត្តរតនគិរី៖ គំនរសំរាមគរដូចភ្នំនៅមុខផ្សារបានលុង ត្រូវអាជីវកររិះគន់យ៉ាងខ្លាំងទៅលើក្រុមហ៊ុន គីមជ្រា ដែលមានលោក ជា គួង ទទួលខុសត្រូវមិនបានប្រមូលយកទៅទីលានចាកសំរាមនោះឡើយ ។ គំនរសំរាម ទាំងនេះត្រូវក្រុមអ្នកសារព័ត៌ មានយើង ប្រទះឃើញគរចោលនៅមុខផ្សាឈាងខាងលិចបេនឡាន ណែនណាន់តាន់តាប់កាលពីព្រឹកថ្ងៃទី១៨ ខែមករា ឆ្នាំ២០១៧ នៅត្រង់ចំណុចមុខផ្សាបានលុងស្ថិតក្នុងភូមិជ័យជំនះ សង្កាត់ឡាបានសៀក ក្រុង បានលុង។
អាជីវករមួយក្រុមកើតទុក្ខពុំសុខចិត្តលើកប៉ាដាម្នាក់មួយជួបជុំគ្នានៅមុខសាលាក្រុង ដើម្បីសុំអន្តរាគមន៍ពីលោកអភិបាលក្រុង និង អាជ្ញាធ័រពាក់ព័ន្ធ ទីមួយ សុំបញ្ឈប់លោក ជា គួង អោយដឹកជញ្ជូនសំរាមចេញ ពីក្នុងនិងក្រៅផ្សា។ ទីពីរប្រគល់ការប្រមូលសំរាមទៅទីលានចាក់សំរាម មកអោយមកក្រុមហ៊ុន ហេងដារ៉ា ទទួលខុសត្រូវវិញជាបន្ទាន់ ។ ពីព្រោះក្រុម ហ៊ុនលោក ជា គួង មិនបានយកចិត្តទុកដាក់គោរពទៅតាមគោលការណ៍ និងសៀវភៅបន្ទុក ដែលក្រុមហ៊ុនហេងដារ៉ា បានបង់ក្នុង១ខែ នៃទឹកប្រាក់ចំនួនបួនលានប៉ែតសិបម៉ឺនរៀលគត់ ជាប្រចាំមិនដែលអាក់ខាន ដោយមានទាំងកន្ទុយប័ណ្ណ(វិក័យប័ត្រ)ថែមទៀតផង។
តែផ្ទុយទៅវិញ លោក ជា គួង បែរជាទុកសំរាមចោលបីទៅបួនថ្ងៃឯណោះមិនដឹកជញ្ជូនទៅចាកចោលនៅទីលានចាកសំរាមនោះឡើយ។ ទុកអោយសំរាមស្អុយរលួយ ជះក្លិនអាសោធ ពេញផ្សារបានលុង ធ្វើអោយប៉ះពាល់ សុខភាពប្រជាពលរដ្ធ និងបរិស្ថានយ៉ាងធ្ងន់ធ្ងរ ហើយក៍មានការរិះគន់ពីសំណាក់ភ្ញៀវជាតិនិងអន្តរជាតិដែលចូលមកទស្សានាកំសាន្ត ក្នុងខេត្តនេះផងដែរ។
លោក ជាម សុផាត គណៈកម្មការគ្រប់គ្រងផ្សាបានលុង បានអោយដឹងថា សំណូមពរ អោយបញ្ឈប់ក្រុមហ៊ុន ជា គួង ក្នុងការប្រមូលសំរាមចេញពីផ្សាបន្តទៀតទៅ ពីព្រោះ លោក ជា គួង មិនបាន គោរពតាម សៀវភៅបន្ទុកនោះឡើយ។
លោកបន្តថា រាល់ការប្រមូលសំរាមពីក្នុងផ្សា មកគរទុកនេះ គឺជាកម្មកររបស់លោក សំរាប់អោយក្រុមហ៑ុនលោក ជា គួងប្រមូលចេញជារៀងរាល់ថ្ងៃ។ តែផ្ទុយទៅវិញ ក្រុមហ៊ុនលោក ជា គួង មិនបានគោរពតាមគោលការណ៍របស់ក្រុមហ៊ុននោះឡើយ។
លុះមកដល់ព្រឹកថ្ងៃទី១៩ ខែមករា ឆ្នាំ២០១៧ ក្រុមហ៊ុន គីមជ្រា ក៍បានអោយបុគ្គលឹករបស់ខ្លួនប្រមូលសំរាម ដែលស្អុយរលួយយកមកចាក់លើផ្លូវសាធារណ: នៅមុខផ្សាបានលុង ហើយក៏អោយបុគ្គលឹករបស់ខ្លួនជាច្រើននាក់មកតវ៉ា ទៀមទារ លុយដែលក្រុមហ៊ុន ហេង ដារ៉ា ពុំដែលជំពាក់នោះសោះ ហើយក៏ចោទថា ក្រុមហ៊ុនហេងដារ៉ាជំពាក់លុយប្រមូលសំរាមរបស់គាត់ទៅវិញ។
លោកឧកញ៉ា សា លាងបានបញ្ចាក់នៅព្រឹកថ្ងៃដដែលនេះផងដែរថា លោកពុំដែលជំពាក់លុយ ក្រុមហ៊ុន គីម ជ្រា នោះទេ ព្រោះនៅក្នុងសៀវភៅបន្ទុក ក្រុមហ៊ុនរបស់លោក បានចំណាយទៅលើ ការប្រមូលសំរាម ក្នុង និងក្រៅបរិវេណផ្សារ និងបោសសំអាតអោយស្អាតចំនួនបីលានប្រាំសែនរៀលគត់ជារៀងរាល់ខែ ។
ប៉ុន្តែក្រុមហ៊ុនគីម ជ្រា មិនបានប្រមូលសំរាម ក្នុងនិងក្រៅបរិវេណផ្សារ ឬសំអាតនោះទេ ទើបលោកដកប្រាក់ចំនួនប្រាំសែនរៀលវិញ មកជួលអោយកម្មករសំរាប់ប្រមូល និងសំអាតក្នុងនិងក្រៅបរិវេណផ្សា ដោយចំណាយអស់មួយលានប្រាំបីសែនរៀល។
បើគិតទៅក្រុមហុ៑ន គីមជ្រានៅជំពាក់ក្រុមហុ៑នហេងដារ៉ា ក្នុងទឹកប្រាក់ចំនួនមួយលានបីសែនរៀល(1300000រៀល)ឯណោះ ។
ក្នុងព្រឹកថ្ងៃដដែលនេះដែរ គេក៍ឃើញវត្តមានអាជ្ញាធ័រមូលដ្ឋានកងកម្លាំងប្រដាប់អាវុធ ដែលដឹកនាំដោយ លោក ផន សុផៃ នាយការិយាល័យសណ្តាប់ធ្នាប់ នៃស្នងការដ្ធាននគរបាលខេត្តរតនគិរី បានចុះទៅសម្របសម្រួលនិងធ្វើចរាចរណ៍កុំអោយមានការធ្វើអំពើហិង្សា និងប៉ះពាល់សណ្តាប់ធ្នាប់សាធារណ: ។ លោកបន្តថា ការសម្របសម្រួលនេះលុះត្រាតែមាន បញ្ជាពីអាជ្ញាធរខេត្តទើបអាចទប់ស្កាត់បាន ។
គួរបញ្ចាក់ផងដែរថា អ្នកវិនិយោគផ្សារ និង ក្រុមហ៊ុន គីម ជ្រា វិវាទគ្នាក្លាយជាជំងឺដ៏រាំរ៉ៃជាយូរឆ្នាំមកហើយ ជាពិសេស លោកជា គួង អោយបុគ្គលិករបស់ខ្លួន ដើរយកផាស៊ីពីអាជីវករលក់ដូរក្នុងផ្សាជារៀងរាល់ថ្ងៃ ផ្ទុយពីសៀវភៅបន្ទុកធ្វើអោយអាជ្ញាធរខេត្ត ឈឺក្បាលដោយសារលោក ជា គួង ៕