ខេត្តតាកែវ ៖តាមប្រភពពីប្រជាពលរដ្ឌរសនៅភូមិកំពង់ពោធិ៍ ឃំុព្រែកផ្ទោលស្រុក អង្គរបុរី ខេត្តតាកែវបានអោយដឹងថាលោក ឌឹម គឹមសានអភិបាលនៃគណះអភិបាលស្រុកអង្គបុរីបានត្រូវគ្នាជាមួយមន្រ្តីជលផលលក់ដីបឹងត្រពាំងអណ្តើកនិងដីទីទួលបុរាណជាច្រើនហិកតាអោយទៅពួកឈ្មួញហើយបានធ្វើប្លង់កម្មសិទ្ទផ្តាច់មុខយកតែម្តងបើទោះបីពួកគេបានដឹងថាដីទាំងនេះជាដីសម្បត្តិរបស់រដ្ឌក៏ដោយ។
ពលរដ្ឌភូមិព្រែកផ្ទោលបានបន្តអោយដឹងថាដីតបន់ខាងលើនេះមូួយចំនួនជាដីព្រៃលេចទឹកជាជម្រកត្រីពងកូននារដូវទឹកឡើងមួយនិងចំនួនទៀតជាទីទួលបុរាណដែលជាទីជម្រកនៃហ្វូងបក្សាបក្សីជ្រកកោននៅដែលមានដើមឈើធំៗចម្រុះគ្នាមានដូចជាដើមគគីដើមចង្រៀកដើមរាំងទឹក។ល។
ឥលូវពេលនេះរលាយរលត់អស់ហើយដោយសារចៅហ្វាយស្រុកនិងជំនាញជលផលបើកដៃអោយក្រុមឈ្មួញមានប្រាក់មានអំណាចដាក់គ្រឿងចក្រធ្វើការឈួសឆាយតាមអំពើចិត្តទន្រ្ទានយកដីទាំងនោះធ្វើជាកម្មសិទ្ធិផ្ទាល់ខ្លួនយ៉ាងអណាធិបតេយ្យ។
ប្រជាពលរដ្ឋ ម្នាក់បានអោយដឹងថាដីព្រៃតំបន់នោះកាលពីប៉ុន្មានឆ្នាំមុនកន្លងមកកុំថាឡើយហានឈួសឆាយតែប្រជាជនទៅកាប់រកអុសដុតមិនបានផងត្រូវពួកជលផលដេញចាប់ហើយពិន័យជាប្រាក់រាប់លានរៀលទៀតផង។
ឥលូវនេះមហន្តរាយចូលមកដល់រលាយហិនហោចគ្មានសល់អ្វីឡើយ ពួកគាត់សូមណូពរដល់លោកអភិបាលខេត្តតាកែវមេត្តាមានវិធានការជួយទប់ស្កាត់ផង។
ពាក់ពន្ឌ័នៃការរិះគន់ចោទប្រកានរបស់ប្រជាពលរដ្ឌទៅលើលោកចៅហ្វាយស្រុកនេះដែរ អ្នកយកពត៍មានយើងបានព្យាយាមសុំការបំភ្លឺពីលោកឌឹមគឹមសានជាច្រើនដងនិងច្រើនថ្ងៃតែលោកពំុបានទទួលទូរសព្ឌ័នោះទេ៕