ខេត្តកណ្តាល៖ ដោយមានការណែនាំពីលោកអភិបាលស្រុកលើកដែកនិងនាយខណ្ឌរដ្ឋបាលជលផលនាយផ្នែកជលផល ដើម្បីចូលរួមទប់ស្កាត់ បង្ក្រាបអោយខានតែបាន នូវរាល់បទល្មើសជលផលគ្រប់ប្រភេទដែលច្បាប់ហាមឃាត់ នៃដែនសមត្ថកិច្ចរបស់ខ្លួនគ្រប់គ្រងរបស់ខ្លួន សង្កាត់ជលផលលើកដែកចុះប្រតិបត្តិការណ៍បង្ក្រាបបទល្មើសនេសាទនារដូវត្រីពងកូនរឹបអូសឧបករណ៍ខុសច្បាប់យកមកដុតកម្ទេចចោលមួយចំនួន។
ប្រតិបត្តិការនេះធ្វើឡើងកាលពីថ្ងៃទី១៨ខែតុលាឆ្នាំ២០១៩
នៅចំណុច កន្ទុយព្រែកថ្មី ព្រែកសាមគ្គី ព្រែកបន្ទាយស្ថិតក្នុងឃុំខ្ពបអាទាវ ស្រុកលើកដែក ខេត្តកណ្តាល ហើយចុះកាត់ឧបករណ៍នេសាទខុសច្បាប់មួយចំនួនយកមកដុតកម្ទេចចោល ។
ជាលទ្ធផលកម្លាំងបានចុះកាប់បំផ្លាញនិងដុតកម្ទេចចោលនៅកន្លែងទីទួលក្នុងភូមិ ឃុំខាងលើរួមមាន លូស្បៃមុង២៦លូ របាំងស្បៃមុង១៣០០ម៉ែត្របង្គោល៨០០ដើម
និង លែងកូនត្រី៤០គីឡូក្រាម ចូលទៅក្នុងទន្លេវិញ ៕