របាំងស្បៃមុងជិត៦ពាន់ម៉ែត្រ និងលបឆ្កួត៣៥០ខ្សែ ប្រវែងជិត៤ពាន់ម៉ែត្រត្រូវកម្លាំងចម្រុះចុះកាប់បំផ្លាញនិងដុតចោលនៅស្រុកកោះធំ
ខេត្តកណ្តាល :កម្លាំងសម្ថកិច្ចចម្រុះរួមមាន នគរបាលប្រឆាំងបទល្មេីសសេដ្ឋកិច្ច សហការជាមួយរដ្ឋបាលជលផល អធិការដ្ឋានស្រុក និងទាហានការពារព្រំដែនទឹក បានបេីកប្រត្តិបត្តការ ចុះបង្ក្រាបបទល្មេីសនេសាទ នៅតាមទីតាំងមួយចំនួន ក្នុងភូមិសាស្រ្ត ឃុំព្រែកជ្រៃ ស្រុកកោះធំ ខេត្តកណ្តាល ដោយបានកាប់បំផ្លាញចោលនូវឧបករណ៍នេសាទល្មើសច្បាប់ជាច្រើនដែលឈ្មួញដាក់ពង្រាយលើផ្ទៃទឹក។
សមត្ថកិច្ចបានឲ្យដឹងថា កិច្ចសហប្រតិបត្តិការនេះ ជាលទ្ធផលកម្លាំងប្រមូលបាននូវ សៃយឺនស្បៃមុងចំនួន១៧០មាត់លូ, របាំស្បៃមុងប្រវែង៥៤០០ម៉ែត្រ, បង្គោលតូចធំ១៧០០ដេីម, ឧបករណ៍នេសាទទំនេីប លបឆ្កួត៣៥០ខ្សែ ស្មេីនឹង៣៥០០ម៉ែត្រ។
សមត្ថកិច្ចបានបញ្ជាក់ ចំពោះឧបករណ៍នេសាទខុសច្បាប់ដែលប្រមូលបានខាងលើ ត្រូវបានដុតបំផ្លាញចោលនៅនឹងមុខសាលាឃុំព្រែកជ្រៃ៕