លោកឧកញ៉ា ទៀ វិចិត្រ បានអោយដឹងថា សត្វខ្លាឃ្មុំមួយក្បាលនេះ គឺប្រជាពលរដ្ឋមួយគ្រួសារ ដែលចិញ្ចឹមតាំងពីតូចនៅខេត្តកោះកុង បានប្រគល់អោយលោកឧកញ៉ា ហើយលោកឧកញ៉ាក៏បានប្រគល់បន្តទៅអោយអង្គការអភិរក្សសត្វព្រៃវ៉ាយអេត ក្នុងបំណងជួយការការពារធន់ធានធម្មជាតិ កុំអោយមានការសម្លាប់សត្វព្រៃបន្តទៅទៀត ។
លោក ឧកញ្ញ៉ាបានបន្តថា កន្លងមក លោកបានប្រលែងសត្វព្រៃមានដូចជា អណ្តើក កន្ធាយ ឈ្លូស ពង្រូល ។ល។ ដែលលោកបានទិញពីប្រជាពលរដ្ឋគ្រោងយកទៅសម្លាប់ធ្វើម្ហូបជាដើម ហើយជាក់ស្តែងលើកនេះលោកបានប្រគល់សត្វខ្លាឃ្មុំ១ក្បាលទៅអោយមន្ត្រីអភិរក្សសត្វព្រៃវ៉ាយអេត យកទៅប្រលែងក្នុងធម្មជាតិវិញ ។ ទាំងអស់នេះដោយសារតែលោកឧកញ្ញ៉ាយល់ឃើញថា បច្ចុប្បន្ននេះសត្វព្រៃកំពុងរងការកាប់សម្លាប់និងនាំចេញទៅលក់នៅក្រៅប្រទេសពីជនខិលខូចមួយចំនួនដែលធ្វើអោយបាត់បង់នៅធន់ធានធម្មជាតិរបស់យើង ដូចនេះហើយទើបលោកចូលរួមជាមួយរាជរដ្ឋាភិបាលក៍ដូចជាអង្គការអភិរក្សសត្វព្រៃនានាក្នុងការការពារទោះបីតិចក្តីច្រើនក្តីទៅតាមលទ្ធភាពដែលអាចធ្វើទៅបាន។
មន្ត្រីអភិរក្សសត្វព្រៃវ៉ាយអេតបានថ្លែងអំណរគុណចំពោះលោកឧញ្ញ៉ាទា វិចិត្រ ដែលបានប្រគល់សត្វខ្លាឃ្មុំ១ក្បាលដល់មន្ត្រីអភិរក្ស ដើម្បីយកទៅប្រលែងចូលក្នុងព្រៃធម្មជាតិវិញ ដែលជាសត្វកម្រនឹងកំពុងយកចិត្តទុកដាក់ក្នុងការការពារផងដែរនាពេលបច្ចុប្បន្ននេះ៕
