ឧកញ៉ា ម៉ៅ សុផល អាងខ្នងចៅហ្វយខេត្តកណ្តលនិង លោក ហ៊ីងប៊ុនហេង ដឹកដីបំផ្លាញស្ពាន និង ផ្លូវ របស់ជាតិ
ជាច្រេីនឆ្នាំមកនេះក្រុមឈ្មួញជីកដី លក់យ៉ាងណាធិបតេយ្យ ចេញពី ខាងលិចក្រុមហ៊ុនទឹកស្អាត ស្ថិតក្នុងឃុំសៀមរាប ស្រុកកណ្តាលស្ទឹង ខេត្តកណ្តាល សុទ្ធតែប្រភេទ ឡានយីឌុប ផ្លូវប្រាំ ដឹកសំរុកយកទៅលក់នៅ ក្រុងតាខ្មៅ និង រាជធានីភ្នំពេញ ។ ឡានដឹកដីរបស់ក្រុម ឧកញ៉ា ម៉ៅ សុផល មានទំងន់ 40 ទៅ 50 តោន រាប់សិបគ្រឿង បានបន្តកន្ទុយគ្នា អង្រួន ផ្លូវជាតិលេខ 2
ផ្លូវព្រែកហូរ ផ្លូវចំការដូវ និង ស្ពាន ធំ តូច ជាច្រេីន បានរងការខូចខាត និងមានស្ពានខ្លះ ប្រកាសអាសន្ន ថានឹងបាក់ស្រុត ព្រោះវា រៀងត្រេតទ្រោតហេីយ ។ ជាជាក់ស្តែងផ្លូវបេតុង ចំការដូង ដោយចេញពីរង្វង់មូលគួរស្រូវ ចាក់មកច្រមុះជ្រូកស្ទឹងមានជ័យ រាជធានីភ្នំពេញ មានប្រវែងជាង 10 គីឡូ ដែលទេីបស្ថាបនា មិនទាន់រួចរាល់ស្រួលបួលផងនោះ ត្រូវបានប្រេះស្រាំ និង ខូចធ្លុះ ហេីយបានប៉ះអ៊ុត ឡេីងវិញ ដោយអន្លេីរៗ ជាច្រេីនកន្លែង ហេីយ ។ ប្រជាពលរដ្ឋបាននិយាយថា សូម្បីស្ពាន ព្រែកជ្រៅ ដែលជាចំណងដៃរបស់សម្តេចតេជោហ៊ុនសែន ក៏ ឡេីងរំញ័រ ផងដែរខណៈដែលឡានដឹកដី ធន់យក្ស របស់លោក ឧកញ៉ា ម៉ៅ សុផល មកដល់លេីស្ពាននេះ។តេីវាសមទេ នៅពេលដែលរាជរដ្ឋា ភិបាល បានខិតខំកសាង ហេដ្ឋារចានសម្ព័ន្ធ មានស្ពាន ផ្លូវ ជាដេីម ដេីម្បីបំរេីផលប្រយោជន៏ បងប្អូនប្រជាពលេដ្ឋ ក្នុងការធ្វេីចរាចរណ៏ ទៅមក មិនបានមួយឆ្នាំផង ត្រូវនឹងជួសជុលឡេីងវិញ ក្រោមឥទ្ធិពល ពួកឈ្មួញទុច្ចរិត ឃុបឃិតជាមួយមន្រ្តី ពុករលួយអាងខ្នង អាងអ្នកធំ
បានដឹកលេីសទំងន់ ក្នុងការបំរេីផលប្រយោជន៏ខ្លួន 2 -3 នាក់ ធ្វេីអោយបាក់ស្ពាន ខូចផ្លូវ របស់រាជរដ្ឋា ភិបាល តេីនរណា ជាអ្នកទទួលខុសត្រូវ ។ លេីករណីនេះ សម្តេច តេជោ ហ៊ុន សែន ក៏បាននិពន្ធ ចំរៀងមួយបទ ក្រោមចំណងថា ទំនួញផ្លូវលំ ដេីម្បីសុំអង្វរកុំថៅកែ ដឹកលេីសទំងន់ ពិសេសជាក់ស្តែង
លោក ឧកញ៉ា ម៉ៅ សុផល នេះតែម្តង ។
សូមបញ្ជាក់ថា រណ្តៅដីលោក ឧកញ៉ា ម៉ៅ សុផល ដែលបានជីករាប់ឆ្នាំ មកនេះ មានជំរៅ ជិត 30 ម៉ែត្រ និង មានទំហំដី 7 ហិកតា គឺគ្មានមន្រ្តីពាក់ព័ន្ធហ៊ានក្អក នោះទេ ។
យោងតាមមេការ របស់លោកឧកញ៉ាម៉ៅ សុផល បាននិយាយថា ការជីករណ្តៅនេះ ក្នុងគោលបំណង ដេីម្បី ស្តុកទឹក ចំរុះធ្វេីទឹកស្អាត ។
ទោះជាយ៉ាងនេះក្តីប្រជាពលរដ្ឋបាននិយាយថា លោកឧកញ៉ា ម៉ៅ សុផល មានខ្នងបង្អែក នៅពីក្រោយ យ៉ាងរឹងមាំ មានដូចជា ចៅហ្វាយ ខេត្តកណ្តាល និង លោក ហ៊ីង ប៊ុនហៀង ជាដេីមចឹងបានថ្នាក់មន្រ្តី ឧត្តមមន្រ្តីមិនហ៊ានប៉ះ ទុកអោយ លោកឧកញ៉ា រូបនេះ បំផ្លាញថវិកាជាតិ ដោយគ្មានស្រណោះ ។
