ខេត្តសៀមរាប ៖ រយៈពេលប៉ុន្មានថ្ងៃនេះ សាលាក្រុងសៀមរាប ត្រូវបានព័ត៌មាន ក្នុងស្រុកជាច្រើន បានធ្វើការចេញផ្សាយ ពាក់ព័ន្ធនឹងការបែកធ្លាយ រឿងមិនប្រក្រតី របស់លោក សូ ប្លាតុង ជាអភិបាលក្រុងសៀមរាប នឹងនឹងនាយករដ្ឋបាលក្រុង ដែបានរងការិះគន់ ពីមន្ត្រីក្រោយឱវាទ របស់ខ្លួនថា បានរួមគ្នាប្រព្រឹត្តអំពើពុករលួយ នៅក្នុងអង្គភាព របស់សាម៉ីខ្លួន កាន់កាប់ ដ៏ល្បីល្បាញ នៅក្នុងខេត្តសៀមរាប ដោយសារតែ ការប្រព្រឹត្តអំពើពុករលួយ និងបក្ខពួកនិយម ជាយូរឆ្នាំមកហើយ។
គេសង្ឈឹមថា តាមរយៈការចេញផ្សាយនេះ ជាការផ្ដល់ព័ត៌មាន ទៅដល់អង្គភាប្រឆាំងអំពើពុក ដែលមាន ឯកឧត្តម ឱម យិនទៀង ជាប្រធានអង្គភាព ដែលកន្លងមក ឯកឧត្តម ត្រូវបានប្រជាពលរដ្ឋជាច្រើន បាននាំគ្នាគាំទ្រ ទៅដល់ចំណាត់ការ របស់ឯកឧត្តម ដែលបានដាក់ ចាត់ការទៅលើមន្ត្រីពុករលួយ មិនថាជននោះពាក់ផ្កាយ ចង់ពាក់លោកខែ ក៍ឯឧត្តមមិនញញើតដែរ។ហេតុនេះប្រជាពលរដ្ឋ នឹងមន្ត្រីរាជការ ក្នុងខេត្តសៀមរាប បានស្នើសុំ ឯកឧត្តម ឱម យិនទៀង ប្រធានអង្គភាព ប្រឆាំងអំពើពុករលួយ មេត្តាចាត់មន្ត្រីស្មោះត្រង របស់អង្គភាព ដាក់ការសើបអង្កេត ទៅលើសាលាក្រុងសៀមរាប ជាបន្ទាន់ផង ព្រោះករណីនេះ មានសេចក្តីរាយការណ៍ថា បានកើតឡើងជាយូឆ្នាំមកហើយ គឺឃុបឃិតជាប្រព័ន្ធ នឹងបក្ខពួកនិយម ឡើងចង់ក្លាយ ទៅជាទម្លាប់ ទៅហើយ។
តាមប្រភពព័ត៌មាន បានឱ្យដឹងថា លោក សូ ប្លាតុង ដែលគេស្គាល់ថា ជាអភិបាលក្រុងសៀមរាប កំពុងមានការឃុបឃិតគ្នា ជាលក្ខណៈប្រព័ន្ធគ្រួសារនិយម បក្ខពួកនិយម ឱ្យទទួលការងា ខាងសូប៉ាន់ យ៉ាងពេញបន្ទុក បង្កភាពអនាធិបតេយ្យ នៅក្នុងការិយាល័យរដ្ឋបាល ដោយមិនគោរពច្បាប់ការងាររដ្ឋបាល របស់រដ្ឋ ពោលគឺលោក សូ ប្លាតុង ដឹកនាំអង្គភាព តាមបែបអគតិ និងផ្តាច់ការជាពិសេសតែងតែប្រព្រឹត្តអំពើពុករលួយ ជាទម្លាប់រហូតមក មិនតែប៉ុណ្ណោះ លោកអភិបាលក្រុង សូ ប្លាតុង ដ៏មហិមារូបនេះ បានបញ្ឈរជើង បុគ្គលិក មន្ត្រីក្រោមឱវាទណា ដែលមានការទន់ខ្សោយ ឬអ្នកដែលបាន តវ៉ា សួរនាំ ដេញដោល នៅេពលប្រជុំម្តងៗ ដែលជាមុខសញ្ញាឆ្អឹងទទឹងក ត្រូបានគេបានកត់សម្គាល់ទុក មិនប្រគល់ការងារ ជូននោះឡើយ ។
ប្រភពបានឱ្យដឹងថា លោក សូ ប្លាតុង អភិបាលបាល ក្រុងសៀមរាប មិនប្រគល់ការងារជូន មន្ត្រីក្រោមឱវាទណា ដែលគាត់មិនពេញចិត្តនោះទេ បើទោះបីជា មន្ត្រីរូបនោះ ខិតខំបំពេញការងារ តួនាទីរបស់ខ្លួន បំរើការងារ ជូនប្រជាពលរដ្ឋ យ៉ាងសកម្មយ៉ាងណាក៏ដោយ ដូចជា លោក ឌី ប៊ុនហាក់ ដែលជាមន្ត្រីស្លូតត្រង់ តស៊ូបំរើការងារ ជូនប្រជាជនតាំងពីឆ្នាំ ១៩៧៩ មកដល់បច្ចុប្បន្ននេះ ក៏ លោក សូ ប្លាតុង បានប្រើសំដីអសុរោះ ប្រមាថកាតទានសព្វបែបយ៉ាង និងបញ្ឈរជើង ដោយគ្មានប្រគល់ការងារ ឱ្យធ្វើទាល់តែសោះ ព្រោះខ្លាចបាត់ផលប្រយោជន៍ របស់គាត់ និងខ្លាចបាត់បង់ចំណូលសេដ្ឋកិច្ច ចូលហោប៉ៅ ដែលបានពីការប្រព្រឹត្តអំពើពុករលួយ ។
ប្រភពបានបន្តថា លោក សូ ប្លាតុង បច្ចុប្បន្ន កំពុងមានការកុងកាច់ ជាមួយលោក ឌី ប៊ុនហាក់ ដោយសារតែលោក ឌី ប៊ុនហាក់ មានប្រជាប្រិយភាព ជាងខ្លួនគាត់ ព្រោះតែមានជំនាញ សមត្ថភាព ធ្វើការងារបានល្អ ដែលជាមន្ត្រីសកម្ម មានបទពិសោធន៍យូរឆ្នាំមក បានតស៊ូបំរើប្រជាពលរដ្ឋ និងមានការងារ ចុះជួយពង្រឹងបក្ស (គណបក្សប្រជាជន) ក្នុងសង្កាត់ ក្របីរៀល ក្រុងសៀមរាបទៀតផង។ និងថ្មីៗនេះ ក្រសួងដែនដីនគរូបនីយកម្ម និងសំណង់ ក្រោមការដឹកនាំដ៏ឆ្លាតវៃ របស់ ឯកឧត្តម ទេសរដ្ឋមន្ត្រី ជា សុផារ៉ា បានអនុញ្ញាតឲ្យ (លោក ឌី ប៊ុនហាក់) ទៅចុះជួយពង្រឹងបក្ស នៅឃុំគរគី ស្រុកមេមត់ ខេត្តត្បូងឃ្មុំ ដែលមានឯកឧត្តម ឌី ដារ៉ាវុធ ជាប្រធានក្រុមការងារ គណៈពង្រឹង នៅទីនោះទៀតផង ។
ទាក់ទិននឹងករណី លិចឮក្នុងការប្រព្រឹត្ត អំពើពុករលួយ របស់ លោក សូ ប្លាតុង អភិបាលក្រុងសៀមរាប ដែលកំពុងបែកធ្លាយ ពេញខេត្តសៀមរាបនេះ ក៏ត្រូវបានមជ្ឈដ្ឋាននានា នឹងប្រជាពលរដ្ឋទូទាំងប្រទេស រង់ចាំមើលចំណាត់ការថ្នាក់លើ ចាត់វិធានការបែបណា នៅក្នុងរឿងនេះ ហើយគេសង្ឃឹមថា ឯកឧត្តម ឱម យិនទៀង ប្រធសនអង្គភាព ប្រឆាំងអំពើពុករលួយ ច្បាស់ជាប្រាកដមិនលើកលែង ចំពោះជនណា ដែលបានប្រព្រឹត្តអំពើពុករលួយ នោះបានឡើយ ។PNTV រង់ចាំការបំភ្លឺ ពាក់ព័ន្ធនឹងបញ្ហានេះ ពីអ្នកពាក់ព័ន្ធ ។