ខេត្តកណ្ដាល : នៅថ្ងៃទី០៣ ខែកញ្ញាឆ្នាំ ២០២០ នៅវេលាម៉ោង១៥និង៣០នាទី
មានហេតុការគួរអោតសោកស្តាយមួយបានកើតឡើងលើក្មេងប្រុសម្នាក់ បណ្តាលអោយស្លាប់ នៅសួនកំសាន្ត ហែលទឹក យីហោស៊ីនី២ ក្នុងភូមិ កោះខ្នុរ ឃុំ ព្រែករការ ស្រុកកណ្តាលស្ទឹង ខេត្តកណ្តាល។
លោកវរ:សេនីយ៍ទោ ស៊ឹម គឹមស៊ុន អធិការរងទទួលផែនព្រហ្មទណ្ឌបានឲ្យដឹងថា: ក្មេងប្រុសម្នាក់ ជាជនរងគ្រោះមានឈ្មោះ ស៊ីថា ពិសិដ្ឋ ភេទ ប្រុស អាយុ០៦ឆ្នាំ ជនជាតិខ្មែរ មុខរបរសិស្ស ភូមិ ត្រពាំងថ្លឹង សង្កាត់ ចោមចៅ ខណ្ឌ ពោធិ៍សែនជ័យ រាជធានីភ្នំពេញ។
លោក ស៊ឹម.គឹមស៊ុន បានបន្តថា: នៅមុនពេលកើតហេតុ នៅថ្ងៃទីខែឆ្នាំវេលាម៉ោង០៧ នឹង០០នាទី ឪពុកម្ដាយជនរងគ្រោះរួមទាំងក្រុមគ្រួសារមានគ្នា១៤ នាក់ បានចេញពីផ្ទះរបស់ខ្លួន សំដៅមកវត្តអង្គព្រោជ ដេីម្បីចូលរួមពិធីបុណ្យកាន់បិណ្ឌវេនទី១ ស្ថិតនៅភូមិ អង្គខ្លេីរ ឃុំ ត្បែង ស្រុកកណ្តាលស្ទឹង ខេត្ត កណ្ដាល។ ពេលមកដល់វត្តពូរបស់ជនរងគ្រោះបានឌុបជនរងគ្រោះទៅដល់វត្តដែរ បន្ទាប់ពី បានរាប់បាត្ររួច ឪពុកជនរងគ្រោះបាននាំក្រុមគ្រួសារមកហូបបាយនៅផ្ទះបងស្រី ស្ថិតនៅភូមិ ជ្រលង ឃុំ ត្បែង ស្រុកកណ្តាលស្ទឹង ។ ពេលហូបបាយរួចឪពុកម្តាយជនរងគ្រោះនិងក្រុមគ្រួសារសរុប១៥នាក់បាននាំគ្នា ទៅលេងកំសាន្តក្នុងសួនទឹក ស៊ីន្នី ស្ថិតនៅភូមិឃុំកើតហេតុខាងលើ ពេលទៅដល់គ្រួសារជនរងគ្រោះបាននាំគ្នាហែលទឹកលេង ចំណែកឪពុកជនរងគ្រោះពុំបានមើលជនរងគ្រោះទេគឺនៅជាប់រវល់មើលកូនតូចម្នាក់ទៀត ចំណែកម្តាយជនរងគ្រោះបានប្រើជនរងគ្រោះអោយទៅផ្លាស់ខោអាវងូតទឹកលេង លុះមួយស្ទុះក្រោយមកទើបឃើញគេស្រែកប្រាប់ថា: ជនរងគ្រោះលង់ទឹកហើយ ទើបឪពុកម្តាយជនរងគ្រោះនិងបងប្អូននាំគ្នាជួយសង្គ្រោះ និង បញ្ជូនជនរងគ្រោះទៅសង្គ្រោះនៅមន្ទីរពេទ្យ គន្ធបុប្ផារាជធានីភ្នំពេញ ពេលទៅដល់ មន្ទីរពេទ្យជនរងគ្រោះបានស្លាប់នៅមន្ទីពេទ្យតែម្តង។
ចំពោះករណីនេះកម្លាំងជំនាញកំពុងបន្តចាត់ការតាមនីតិវិធី ចំណែកឯសពត្រូវបានប្រគល់ជូនទៅក្រុមគ្រួសារយកទៅធ្វើបុណ្យ។