រាជធានីភ្នំពេញ : សេចក្តីរាយការណ៍នៅល្ងាចថ្ងៃទី២ ខែមករា ឆ្នាំ២០២១ រួមនឹងរូបភាពផងនោះ បានបង្ហើបថា ទីតាំងដុះស្លែរនៃល្បែងស៊ីសងខុសច្បាប់ មានមាន់ជល់ បៀ អាប៉ោង បានបើកលេងយ៉ាងត្រជាក់ចិត្ត នៅក្នុងបុរី សីរ៉ែន នៅទល់មុខចំហៀងទូរទស្សន៍អាស៊ីអាគ្នេយ៍ ក្នុងភូមិស្លែងរលើង សង្កាត់ទឹកថ្លា ខណ្ឌសែនសុខ រាជធានីភ្នំពេញ ។
សេចក្តីរាយការណ៍ពីប្រជាជនម្នាក់
បានបង្ហើបថា ក្រុមគ្រួសារគាត់បានមកលេងល្បែងនៅទីនេះដោយចាញ់អស់លុយជិត១០ម៉ឺនដុល្លា ដោយលក់ផ្ទះ១ល្វែង តាំងពី៣ខែមុន ហើយនៅមិនព្រមឈប់ទៅលេងទៀត ។
រូបគាត់ក៏បានសំណូមពរដល់ សមត្ថកិច្ចជំនាញ មេត្តាចុះបង្រ្កាបទីតាំងនោះផង បើមិនចឹងពួកគាត់អាចរស់នៅតាមចិញ្ចើមថ្នល់ក៏មិនដឹង ។
ប្រជាជននៅទីនោះ បានអោយដឹងថា កន្លែងនេះ បើកលេងយូរហើយ ដោយមានអ្នកយាមកាមតឹងរឹង ដោយមានកាំម៉ារ៉ា មើលផ្នែកខាងក្រៅ ៤គ្រាប់ និង ខាងក្នុងជាច្រើនគ្រាប់ទៀត
ពោលគឺអ្នកប្លែកមុខមិនអោយចូលទេ ហើយអ្នកចូលគឺជាអ្នកលេងសុទ្ធសាធ មិនមានអ្នកឈរមើល ស្រែកអាឡេអាឡូនោះទេ ។
អ្នកនៅក្បែរនោះថា មាន់ជល់ពួកគេ ច្រើនដឹកតាមឡាន ចូលនៅម៉ោង៩-១០ព្រឹក ជារៀងរាល់ថ្ងៃ ហើយមានអ្នកខ្លះមកជិះឡាន ទៅវិញជិះកង់ក៏មាន ៕
