ខេត្តរតនគិរី៖ ជនសង្ស័យប្រុសស្រីចំនួន៤នាក់ត្រូវបានសមត្ថកិច្ចនគរបាលប្រឆាំងគ្រឿងញៀននៃស្មងការរដ្ឋាននគរបាលខេត្តរតនគិរីឃាត់ខ្លួនពីបទករណីរក្សាទុកនឹងប្រើប្រាស់ថ្នាំញៀន នៅវេលាម៉ោង១៣នឹង២៦នាទី ថ្ងៃទី៧ ខែធ្នូ ឆ្នាំ២០១៦ ត្រង់ចំណុចផ្ទះជួលមួយកន្លែងនៅបន្ទប់លេខ១៦ ស្ថិតនៅភូមិជ្រី សង្កាត់យក្ខឡោម ក្រុងបានលុង ខេត្តរតនគិរី។
យោងតាមរបាយការណ៍ពីនគរបាលប្រឆាំងគ្រឿងញៀននៃស្នងការរដ្ឋាននគរបាលខេត្តបានឲ្យដឹងថា ជនសង្ស័យប្រុសស្រីចំនួន៤នាក់រួមមាន ទី១-ឈ្មោះ សន សុហាក់លី ភេទស្រីអាយុ២១ឆ្នាំជនជាតិខ្មែរ មុខរបរមិនពិតប្រាកដ(ជាមុខសញ្ញាជួញដូរ) ទី២-ឈ្មោះ ដួង រតន: ភេទប្រុសអាយុ២៦ឆ្នាំជនជាតិខ្មែរមុខរបរមិនពិតប្រាកដ(ជាមុខសញ្ញាជួញដូរ) ទី៣-ឈ្មោះ ឡាំ សុខឡា ភេទប្រុសអាយុ៣០ឆ្នាំជនជាតិខ្មែរមុខរបរមេការមើលការខុសត្រូវបន្ទប់ជួល(ជាមុខសញ្ញាប្រើប្រាស់ថ្នាំញៀន)អ្នកទាំង៣មានទីលំនៅភូមិជ្រីសង្កាត់យក្ខឡោមក្រុងបានលុងខេត្តរតនគិរី ទី៤-ឈ្មោះ ដួង ចាន់តុលា ភេទប្រុសអាយុ២៥ឆ្នាំជនជាតិខ្មែរមុខរបរមិនពិតប្រាកដមានទីលំនៅបច្ចុប្បន្នភូមិអូរកន្សែងសង្កាត់បឹងកន្សែងក្រងបានលុងខេត្តរតនគិរី។
ប្រភពបន្តទៀតថា វត្ថុតាងដកហូតមាន ម្សៅក្រាមពណ៌សរថ្លាចំនួន០២ថង់ទម្ងន់២.៤៦ក្រាម កាំបិតស្នៀតវែងចំនួន ០២ ដើម ទូរស័ព្ទដៃចំនួន០១គ្រឿង ថង់សម្រាប់ច្រកថ្នាំញៀនមួយចំនួន នឹងឧបកសំរាប់សេពគ្រឿងញៀនមួយចំនួនទៀត ។ បច្ចុប្បន្ន សមត្ថកិច្ចនគរបាលកំពុងកសាងសំណុំរឿងបញ្ជូនជនសង្ស័យប្រុសស្រីទាំង ៤ នាក់ទៅសាលាដំបូង ខេត្តរតនគិរី ៕
