ខេត្តកណ្តាល : បន្ទាប់ពីប្រមុខរាជរដ្ឋាភិបាលកម្ពុជា សម្តេចតេជោ ហ៊ិន សែន កាលពីថ្ងៃទី៦ ខែមករា ឆ្នាំ ២០១៧ បានសំរេចនិរាករណ៍ប័ណ្ណកម្មសិទ្ធិកាន់កាប់ដីធ្លីចំនួន២៩ប័ណ្ណ និង ដកហូតដីទំហំ ២៩៩៧ ហិកតា ក្នុងនោះមានចំនួនជាង ២៣៩១ ហិកតា ជាដីរបស់ ឯកឧត្តម ឡោក ហួរ អ្នកតំណាងរាស្រ្តខេត្តបាត់ដំបង ដើម្បីបញ្ចប់ជំលោះរាំរ៉ៃនិងយកមក បែងចែកអោយប្រជាជនអាស្រ័យផលវិញ ។
ចាប់តាំងពីនោះមកប្រជាជននៅឃុំ សំរោងធំ ស្រុកគៀនស្វាយ ខេត្តកណ្តាលប្រមាណជាង៤០០គ្រួសារ បាននាំគ្នាតវ៉ា ថា មិនបានដី ដែលរាជរដ្ឋាភិបាល កាត់នោះទេ ។
ប្រជាជននៅចាំបានថា កាលព្រឹកថ្ងៃទី៦ ខែមីនា ឆ្នាំ២០២០ កន្លងទៅនៅសាលាឃុំបន្ទាយដែក ស្រុកកៀនស្វាយ ខេត្តកណ្តាល លោក អ៊ូ ឈាង អភិបាលស្រុកកៀនស្វាយ ក៏បានដឹកនាំមន្ត្រីជំនាញពាក់ព័ន្ធក្រោមឱវ៉ាតជុំវិញស្រុក បានបើកវេទិការកដំណោះស្រាយទំនាស់ដីធ្លីរវាងប្រជាពលរដ្ធជាង៤០០គ្រួសារជាមួយឈ្មួញ។ប៉ុន្តែវេទិកានេះត្រូវបានបរាជ័យក្រោមកំហឹងរបស់ប្រជាពលរដ្ធនៅវេលាម៉ោងប្រហែលជាង១០ព្រឹកថ្ងៃដដែល ដែលពួកគាត់មិនទទួលយកប្រសាសន៍របស់លោក អ៊ូ ឈាង អភិបាលស្រុកកៀនស្វាយ បានចោទពលរដ្ធជាមេខ្យល់បំផុសបំផុលដីឈ្មួញគេមានច្បាប់ទម្លាប់ទិញ លក់ត្រឹមត្រូវប្រយ័ត្នពាក់ព័ន្ធផ្លូវច្បាប់។
តាំងពីនោះមក ប្រជាជនខ្លះហាក់ខ្ចិល នឹង អស់សង្ឃឹមសឹងថា បោះបង់ចោលនូវការទាមទារ ព្រោះថា ដីនោះ គេមានម្ចាស់ មានប្លង់អស់ហើយ ។ តែមិនដូច្នេះឯណា ប្រជាជនមួយចំនួនធំ ដែលមានភាពជឿជាក់ទៅលើសម្តេចតេជោហ៊ុន សែន នៅតែក្រាញននៀល សុំអោយសម្តេច ជួយព្រោះថា ពួកគាត់ជាប្រជាជន ជាម្ចាស់ភូមិ មិនទាន់បានដីពី សម្តេចកាត់ ពីឯកឧត្តម ឡោក ហួរ អោយនៅឡើយនោះទេ ។
ជួបជាមួយបងប្អូន ដែលកំពុងនាំគ្នាអាស្រ័យផល នៅព្រឹកថ្ងៃទី២១ ខែកុម្ភៈ ឆ្នាំ២០២១ នេះ បានរៀបរាប់ថា ពួកគាត់ដោយចាំយូរពេកពីការដំណោះស្រាយ ថានឹងបែងចែកដី ជូនពួកគាត់ តែហាក់មិនមានសង្ឃឹមទើបពួកគាត់នាំគ្នា ដាំដំណាំតែម្តង ។ សូមស្តាប់ការលើកឡើង របស់ប្រជាជន។
តាមប្រភពពីមន្រ្តីនៅទីនោះថា ដីដែលប្រជាជនមកអាស្រ័យផលនេះគឺជាន់លើដីរបស់ លោកស្រី ហែម សុភាព ដែលគាត់មានប្លង់។
ប្រជាជនបានបញ្ជាក់ថា ដីដែលគាត់នាំគ្នា ធ្វើចំការ អាស្រ័យផល គឺក្នុង១គ្រួសារ មានទំហំដី២០ម៉ែត្រ គុណនឹង ៣០០ម៉ែត្រ ប៉ុណ្ណោះ ។
