រាជធានីភ្នំពេញ : ស្របពេលរាជរដ្ឋាភិបាល ក៏ដូចប្រជាជនកម្ពុជា កំពុងតែរួមគ្នា ប្រយុទ្ធប្រឆាំងនឹងជម្ងឺកូវិត ពិសេសក្នុងអំឡុងពេលការបិទខ្ទប់ រាជធានីភ្នំពេញ និង ក្រុងតាខ្មៅ អស់រយៈពេលប៉ុន្មានថ្ងៃមកនេះ ។ យើងសង្កេតឃើញថា វិធានការរបស់រាជរដ្ឋាភិបាល ក្នុងការហាមប្រាម ការធ្វើដំណើរ ក៏ដូចការមិនអោយប្រជាជនចេញពីផ្ទះ ប្រសិនបើ មិនមានការចាំបាច់ នឹងជាពិសេសត្រូវប្រកាន់ភ្ជាប់ នូវវិធាន ៣ការពារ ៣កុំ អោយបានម៉ត់ចត់បំផុត នោះមក ។ ឧកញ៉ា ឧកញ៉ា គិត ម៉េង ដែលគេស្គាល់ថា ជាមហាសេដ្ឋីចិត្តធម៌១រូប បានសម្តែងនូវមតិយោបល់
ក្នុងបណ្តាញហ្វេសបុករបស់ លោក
ថា : ស្ថានភាពបច្ចុប្បន្នគឺជាពេលវេលាដ៏លំបាកសម្រាប់យើងទាំងអស់គ្នា។ ដើម្បីជម្នះដំណាក់កាលនេះ គឺមានរឿងពីរដែលយើងត្រូវធ្វើរួមគ្នា – ទី១ ត្រូវអនុវត្តតាមវិធានការដ៏ម៉ឺងម៉ាត់របស់រដ្ឋាភិបាលប្រកបដោយការអត់ធ្មត់ និងទី២ ត្រូវប្រឈមមុខនឹងការលំបាកនេះដោយឈរលើគំនិតវិជ្ជមាន។
ប្រសិនបើអ្នកពិចារណាពីក្រោយនៃចំណុចនេះ អ្នកនឹងឃើញពីអត្ថប្រយោជន៍ជាច្រើនដែលទទួលបានពីការនៅផ្ទះ។ ការនៅផ្ទះអាចរារាំងការចល័តពីកន្លែងមួយទៅកន្លែងមួយមែន ប៉ុន្តែការនៅផ្ទះជាមួយមនុស្សជាទីស្រឡាញ់ មិនបានបង្អាក់នូវ សេចក្ដីរីកចម្រើន សេចក្ដីសុខ និងទំនាក់ទំនងរបស់អ្នកឡើយ។ ដូចនេះ សូមជឿជាក់និងរីករាយជាមួយពេលវេលានៅផ្ទះ ខណៈពេលដែលពួកយើងកំពុងឈានទៅរកការចាប់ផ្ដើមដ៏ល្អមួយ។
អ្នកឧកញ៉ា បន្តថា :ខ្ញុំនិងគ្រួសារមានសុទិដ្ឋិនិយមថាអ្វីៗនឹងល្អប្រសើរហើយខ្ញុំសង្ឃឹមថាអ្នកក៏គិតដូចខ្ញុំដែរ។
_