បាត់ដំបង:ជាការពិតណាស់ថាទិវានេះពិតជាមានអត្ថន័យយ៉ាងសំខាន់សម្រាប់នៅក្នុងប្រទេសនិមួយៗក៏ដូចជាពិភពលោកផងដែរដែលបានបង្ហាញជាសត្យានុម័តអំពីការចូលរួបរួមគ្នាក្នុងការប្រយុទ្ធប្រឆាំងគ្រឿងញៀនដែលមានតម្លៃជាសកលចំពោះកម្ពុជាគឺជាការរួមចំណែកយ៉ាងពេញទំហឹងក្នុងការធ្វើឲ្យកាន់តែប្រសើរឡើងនូវការអនុវត្តគោលនយោបាយរបស់រាជរដ្ឋាភិបាលដែលបានដាក់ចេញភូមិឃុំត្រូវតែមានសុវត្ថិភាពរួមនិងកម្មវិធីនយោបាយយុទ្ធសាស្ត្រចតុកោណដំណាក់កាលទី៣និងកំណែទម្រង់គ្រប់ជ្រុងជ្រោយរបស់រាជរដ្ឋាភិបាលកម្ពុជាក្រោមការដឹកនាំដ៏ត្រឹមត្រូវប្រកបដោយគតិបណ្ឌឹតឈ្លាសវៃរបស់សម្តេចអគ្គមហាសេនាបតីតេជោហ៊ុន.សែនជានាយកយករដ្ឋមន្ត្រីនៃព្រះរាជាណាចក្រកម្ពុជា។ដោយឡែកសម្រាប់ខេត្តបាត់ដំបងគឺក្រោមការគិតគួរនិងយកចិត្តទុកដាក់ពីសំណាក់សម្តេចក្រឡាហោមស.ខេងឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃនិងជាប្រធានក្រុមការងារថ្នាក់ជាតិរួមនិងលោកឧបនាយករដ្ឋមន្ត្រីកែវ.គឹមយ៉ានជាប្រធានអាជ្ញាធរជាតិប្រយុទ្ធប្រឆាំងគ្រឿងញៀននិងជាអនុប្រធានទី១ក្រុមការងារថ្នាក់ជាតិចុះជួយខេត្តបាត់ដំបងផងដែរ។ក្នុងពិធីដ៏មានសារះសំខាន់នេះដែរក៏បានអញ្ជើញចូលរួមពីមន្ត្រីសំខាន់ៗក្នុងខេត្តរួមនិងមន្ត្រីរាជការមកពីមន្ទីរស្ថាប័ន្ធជុំវិញខេត្តព្រមទាំងសិស្សានុសិស្សលោកគ្រូអ្នកគ្រូព្រះសង្ឃកងកម្លាំងប្រដាប់អាវុធយ៉ាងច្រើនកុះករក្រោមអធិបតីភាពរបស់លោកមាស.វិរិទ្ធជាអគ្គលេខាធិការនៃអាជ្ញាធរជាតិប្រយុទ្ធប្រាំងគ្រឿងញៀន។នៅក្នុងពិធីនេះដែរអាជ្ញាធរខេត្តបានបង្ហាញរបាយការណ៍របស់ខ្លួនដល់អង្គពិធីនិងគណះអធិបតីយពាក់ព័ន្ធនិងសកម្មភាពដែលអាជ្ញាធរមានសមត្ថកិច្ចខេត្តខិតខំសម្រេចបានកន្លងមកអំពីលទ្ធផលដែលបង្ក្រាបបានរួមមាន:បង្រ្កាបបានចំនួន៥០៩ករណី,ឃាត់ខ្លួនជនសង្ស័យចំនួន៨៤៨នាក់ស្រី៤៤នាក់ដកហូតវត្ថុតាងប្រភេទ(WY)ជាសារធាតុញៀនបានចំនួន១៥.៩៣២គ្រាប់ស្មើនិង១៤៨៦,៤៨ក្រាម,គ្រឿងញៀនប្រភេទក្រាមពណ៌សថ្លា(ICE)ចំនួន២៨៣៣,៣៥ក្រាមនិងគ្រឿងញៀនប្រភេទអិុចស្តាសីុចំនួន១០,៧៧ក្រាមរួមនិងកញ្ឆានិងវត្ថុតាងជាច្រើនទៀតដែលពាក់ព័ន្ធហើយអាជ្ញាធរក៏បានធ្វើការផ្សព្វផ្សាយគ្រប់តាមបណ្តាញផ្សព្វផ្សាយក្នុងស្រុកផងដែរ។នៅក្នុងឱកាសដ៏វិសេសវិសាលនេះដែរលោកអគ្គលេខាធិការមាស.វិរិទ្ធក៏បានឡើងអានសារលិខិតរបស់សម្តេចតេជោហ៊ុ.សែននាយករដ្ឋមន្ត្រីនៃព្រះរាជាណាចក្រកម្ពុជាចែកជូនដល់អ្នកចូលរួមក្នុងអង្គពិធីបានស្តាប់ដោយក្នុងសារលិខិតរបស់សម្តេចបង្កប់ដោយនូវខ្លឹមសារពាក្យពេជ្យសួរសុខទុក្ខនិងយកចិត្តទុកដាក់បំផុតចំពោះប្រជាពលរដ្ឋមន្ត្រីរាជការសិស្សានុសិស្សកងកម្លាំងគ្រប់លំដាប់ថ្នាក់។ក្នុងសារនោះដែរសម្តេចបានផ្តល់ការណែនាំដែលមាន៩ចំណុចសំខាន់ៗដែលមានខ្លឹមសារពាក់ព័ន្ធនិងអង្គពិធីនេះផងដែរដើម្បីជាការអនុវត្តបន្តរដើម្បីផលប្រយោជន៍សង្គមនិងប្រជាជន៕សៅ សារិទ្ធ
