បែកធ្លាយរឿងមន្ត្រីគយតំបន់ច្រកអូររំដួលឃុបឃិតគ្នានាំចូលគ្រឿងចក្រស្ងាត់ៗធ្វើឲ្យប្រជាពលរដ្ឋរិះគន់

បាត់ដំបង:មន្ត្រីគយប្រចាំច្រកទ្វាអូររំដួលស្រុកភ្នំព្រឹកខេត្តបាត់ដំបត្រូវបានប្រជាកសិករក្នុងស្រុកមួយនេះធ្វើការរិះគន់ខ្លាំងៗថាបានឃុបឃិតគ្នាជាមួយឈ្មួញបានាំចូលគ្រឿងចក្រប្រភេទសាស័រ១គ្រឿងស្ងាត់ៗដែលជាទង្វើសីុដាច់ថ្នាក់លើគេងក្រវ័ញ្ញថវិការជាតិជាប្រយោជន៍ផ្ទល់ខ្លួន។ការរិះគន់របស់ប្រជាកសិករនេះខណះពេលដែលពួកគាត់ជាកសិករគ្រាន់តែយកសាស័រចេញចូលឈូសឆាយក្នុងដីថៃដែលជាប់ព្រុំនិងដីចំការពួកគាត់នោះគឺមន្ត្រីគយតម្រូវឲនយពួកគាត់ត្រូវបង់រាប់សែនបាតដោយគ្មានការយោគយល់ដល់ប្រជាកសិករ។ប្រភពព៌តមានពីប្រជាពលរដ្ឋរស់នៅតំបន់មាត់ច្រកទ្វាអូររំដួលស្រុកភ្នំព្រឹកបានអោយដឹងនៅថ្ងៃទី១៨កក្តដាឆ្នាំ២០១៧នេះថា:កាលពីយប់ថ្ងៃទី៣មិថុនា២០១៧កន្លងទៅពួកគាត់បានឃើញឈ្មួញនាំចូលនូវគ្រឿងចក្រមួយគ្រឿងប្រភេទសាស័រឈូសដីឬសម្រាប់ឈូសដំឡូងដែលគេនាំចូលពីប្រទេសថៃនៅពេលយប់តាមរបៀបត្រូវដងត្រូវផ្លែគ្នាក្រោមរូបភាពថាបានខ្ចីពីថៃយកមកប្រើប្រាស់មួយរយះពេលក្នុងសៃឡូកូនភ្នំនៅក្នុងទឹកដីស្រុកភ្នំព្រឹកខេត្តបាត់ដំបង។ការនាំចូលនូវគ្រឿងចក្រនេះគេធ្វើឡើងតាមរបៀបស៊ីដាច់ថ្នាក់លើបំពានច្បាប់ហើយត្រូវបានគេដឹងយ៉ាងច្បាស់ថាឈ្មួញឈ្មោះរោង.សារឹមភេទប្រុសរស់នៅភូមិភ្នំតូចឃុំពេជ្រចិន្ដាស្រុកភ្នំព្រឹកខេត្តបាត់ដំបងជាអ្នករត់ការក្នុងការនាំគ្រឿងចក្រខាងលើនេះ។ប្រភេទគ្រឿងចក្រសាស័រនេះម៉ាកCAT936Eពណ៌លឿងមានលេខតួK45B02387Xនិងលេខម៉ាសីុន7N5454X។ប្រភពពត៌មានពីកសិករដោយឡែកមួយទៀតបានបញ្ជាក់ថា:ការដោះសាថាបានខ្ចីពីភាគីថៃរបស់មន្ត្រីគយនេះគ្រាន់តែជាលេសបំភាន់ការពិតប៉ុណ្ណោះដែលស្នៀតដដែលៗនេះអ្នកស្រុកគេបានដឹងច្បាស់ណាស់អំពីសកម្មភាពគេងក្រវ័ញ្ញរបស់មន្ត្រីគយប្រចាំច្រកខាងលើនោះ។ប្រភពជាប្រជាកសិករបានបន្តថា:មន្ត្រីគយនិងរដ្ឋាករប្រចាំច្រកអូររំដួលអនុវត្តច្បាប់ខុសគ្នាស្រឡះរវាងក្រុមឈ្មួញជាមួយនិងពួកគាត់ជាប្រជាកសិករគ្មានការយោគយល់ខណះពេលដែលកសិករយកសាស័រទៅរុញដីចំការឬឈូសដំឡូងស៊ីឈ្នួលអោយថៃម្តងៗក្នុងទឹកដីថៃជាប់ព្រុំនោះមន្ត្រីគយច្រកអូររំដួលនេះតម្រូវឲ្យពួកគាត់បង់ចំនួន១០០០០ម៉ឺនបាតប្រាក់ថៃ(១មឺុនបាត)និងពេលវិលត្រឡប់មកពីសីុឈ្នួលថៃវិញកីត្រូវបង់អោយគយប្រចាំច្រកខាងលើចំនួន២០០០០ម៉ឺនបាតម្តងទៀតពួកគាត់សួរថាតើទង្វើរបស់មន្ត្រីគយច្រកនេះប្រជាកសិកររកចិញ្ចឹមជីវភាពគ្រួសាររបស់ពួកគាត់ឬសម្រាប់ចិញ្ចឹមដល់មន្ត្រីគយច្រកនេះ?។ពួកគាត់ថានៅមានករណីផ្សេងទៀតដែលមន្ត្រីគយច្រកនេះអនុវត្តច្បាប់មិនមានភាពស្មើរគ្នាហើយត្រូវបានប្រជាពលរដ្ឋជាច្រើនត្អូញត្អែរថាកន្លងមកខណះពេលដែលពួកគាត់ចូលផ្សារថៃទិញត្រឹមឥវ៉ាន់ដូចជាការ៉ុង,និងខ្សែដេរការ៉ុងតិចតួចសម្រាប់ប្រើប្រាស់ផ្ទាល់ខ្លួនលើដំណាំចំការខ្នាតតូចក៍ត្រូវបង់លុយអោយកម្លាំងឈរជើងប្រចាំច្រកទ្វាតំបន់នេះផងដែរហើយមន្ត្រីគយក៏មិនដែលលើកលេងឬយោគយល់ម្តងណាឡើយ។ពាក់ព័ន្ធរឿងរ៉ាវខាងលើលោកយ៉ែម.ខែមរ៉ាត់ប្រធានការិយាល័យគយនិងរដ្ឋាករប្រចាំច្រកអូររំដួលបានលើកឡើងយ៉ាងខ្លីិនិងងាយយល់ថា:បច្ចុប្បន្ននេះគ្រឿងចក្រសាស័រខាងលើ១គ្រឿងនោះកំពុងត្រូវបានម្ចាស់បំពេញបែបបទដើម្បីបង់ពន្ធហើយ។ចំណែកប្រភពពីប្រជាពលរដ្ឋជាអាជីករនៅតំបន់ខាងលើបានអោយដឹងបន្ថែមថា:ករណីត្រូវរូវគ្នានាំចូលនូវគ្រឿងចក្រនេះក្រោយពីបែកធ្លាយដល់អ្នកសារព៌តមានត្រូវបានគេជម្រុញអោយម្ចាស់ចូលបង់ពន្ធតែម្តងពុំនោះទេនិងអាចសម្រេចផលលាភទាំងឈ្មួញម្ចាស់ទំនិញទាំងមន្ត្រីពាក់ពន្ធ័។គួរបញ្ជាក់ថាច្រកទ្វាតំបន់ព្រំដែនអូររំដួលជាច្រកធំទី២ដែលនាំចូលនូវរាល់ទំនិញនិងភេជ្ជះគ្រប់ប្រភេទរួមទាំងគ្រឿងបរិភោគយ៉ាងច្រើនសន្ធឹកសន្ធប់ផងដែរពីមួយថ្ងៃទៅមួយថ្ងៃបើធៀបទៅនិងច្រកផ្សេងតាមបន្ទាត់ព្រដែនបាត់ដំបងនិងថៃ៕សៅ សារិទ្ធ