ទីតាំងបើកលេងល្បែងមាន់ជល់តាមប្រព័ន្ធអនឡាញ របស់លោក ម៉េង នៅភូមិ
ឬស្សី២ សង្កាត់ស្ទឹងមានជ័យ២ ខណ្ឌមានជ័យ កំពុងតែបើកដំណើរយ៉ាងរលូនបែបជាអាជ្ញាធរមូលដ្ឋានគ្មានការបង្ក្រាប
ភ្នំពេញ៖ ទីតាំងបើកលេងល្បែងជល់មាន់ នឹង ល្បែងផ្សេងៗទៀត តាមប្រព័ន្ធអនឡាញ ជ្រកក្រោមទាមកាហ្វេ នឹង លាងម៉ូតូចំនួន២កន្លែង កំពុងតែបើកដំណើរការយ៉ាងរលូនក្នុងភូមិឬស្សី២ សង្កាត់ស្ទឹងមានជ័យ២ ខណ្ឌមានជ័យ ដោយមិនរំខានដល់មន្រី្តមូលដ្ឋាន ឬមួយក៏ត្រូវថ្នាំសន្តំអស់ហើយ។
គូសបញ្ជាក់ឲ្យឃើញថា៖ ទីតាំងទាំង២កន្លែងនេះ កំពុងតែលួចបើកដំណើរការ អាជីវកម្មល្បែងស៊ីសងខុសច្បាប់ ភ្នាល់មាន់ជល់នឹងយូគីតាមប្រព័ន្ធអនឡាញ បើកយ៉ាងរលូនដោយមិនទាន់មានចំណាត់ការបង្ក្រាបពីអាជ្ញាធរ មានសមត្ថកិច្ចក្នុងមូលដ្ឋាននោះទេ។
យោងតាមប្រភពព័ត៌មាន បានឲ្យដឹងថា៖ ទីតាំងជល់មាន់តាមប្រព័ន្ធអនឡាញ បានបើកដំណើរការទទួលជនញៀនល្បែងយ៉ាងអនាធិបតេយ្យ ពោលគឺ៧ថ្ងៃក្នុងមួយសប្តាហ៍ ចំណែកឯមន្ត្រីពាក់ព័ន្ធថ្នាក់មូលដ្ឋាន ហាក់ដូចជាសម្ងំស្ងៀម។
ពលរដ្ឋដែលរស់នៅ តំបន់នោះ បានលួចបង្ហើបប្រាប់សារព័ត៌មាន ទាំងភ័យខ្លាចថា ទីតាំងខាងលើនេះ មានអ្នកលេងល្បែង ចេញចូលយ៉ាងស្រស្រាក់ស្រស្រាំ ដោយពួកគាត់មានការភ័យខ្លាចចំពោះសុខទុក្ខរបស់គាត់នៅពេលយប់ «ពោលគឺ៖ ទីណាមានល្បែង ទីនោះមាន ចោរលួច ចោរប្លន់ គោសផ្ទះ ប្រជាពលរដ្ឋជាមិនខាន»។
ប្រពលរដ្ឋនិងមហាជនជាច្រើនសំណូមពរ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និងឯកឧត្តម ស ថេត អគ្គស្នងការរង និងជាស្នងការរាជធានីភ្នំពេញ សូមមេត្តាចាត់កម្លាំងជំនាញចុះត្រួតពិនិត្យនិងបង្ក្រាបទីតាំងបនល្បែងស៊ីសងខាងលើនេះផង។
