(ខេត្តស្វាយរៀង) ៖ នៅព្រឹកថ្ងៃអាទិត្យ ៩រោច ខែស្រាពណ៌ ឆ្នាំខាល ចត្វាស័ក ព,ស ២៥៦៦ ត្រូវនឹងថ្ងៃទី២១ ខែសីហា ឆ្នាំ២០២២នេះ
ព្រះភិក្ខុ យឹម សារិន ព្រះគ្រូចៅអធិការវត្តលក្ខរាជា ព្រមទាំងអាចារ្យ គណកម្មការ រួមនិងពុទ្ធបរិស័ទ្ធនៅប្រសូត្រ បានមូលមតិគ្នាជាឯកច្ឆ័ន្ទបានប្រារព្ធធ្វើពិធីបុណ្យផ្កាសាមគ្គី និងបុណ្យសាលាកភត្ត ដើម្បីយកបច្ច័យមកកសាងក្លោងទ្វារវត្តល័ក្ខរាជា ដែលស្ថិតនៅក្នុងភូមិលក្ខរាជា ឃុំកំពង់ចក ស្រុករំដួល ខេត្តស្វាយរៀង ។
ព្រះគ្រូចៅអធិការបានមានសង្ឃដីការថា អ្នកផ្ដើមបុណ្យមាន
លោកអាចារ្យ គណៈកម្មការ លោកមេវេនគ្រប់វេន និងពុទ្ធបរិស័ទទាំងក្នុង ព្រមទាំងពុទ្ធបរិស័ទចំណុះជើង
វត្តលក្ខរាជាទាំងអស់ ដោយប្រព្រឹត្តព្រហ្មចរិយធម៌បានត្រឹមត្រូវ ជាសង្ឃទានសុទ្ធសាតដែលជាស្រែបុណ្យរបស់ពុទ្ធបរិស័ទអ្នកមានសទ្ធាក្នុងព្រះពុទ្ធសាសនា។ ដោយទេយ្យទានទាំងអស់នេះសំរាប់ប្រគេនដល់ព្រះសង្ឃមានដូចជា ស្លាដក់ សៀវភៅ ប៊ិច មី ត្រីខ ទឹកសុទ្ធភេសជ្ជៈ បច្ច័យបួន ព្រមទាំងចង្ហាន់បិណ្ឌបាត្រជាដើម ។ល។
ក្នុងឱកាសនោះ ព្រះគ្រូចៅអធិការវត្ត ក៍បានថ្លែងអំណរគុណយ៉ាងជ្រាលជ្រៅ ដល់ម្ចាស់ដើមទានទាំងអស់ដែលបានផ្ដួចផ្ដើមនិងរួមចំណែកដល់ការកសាងសមិទ្ធផលជាច្រើនដល់វត្តលក្ខរាជា ដែលជាការរួមចំណែកដល់ការលើកកម្ពស់វិស័យព្រះពុទ្ធសាសនាឱ្យស័ក្តិសមជាសាសនារបស់រដ្ឋ និងជាទីឋានសម្រាប់គោរពបូជារបស់ពុទ្ធសាសនិកជនខ្មែរគ្រប់ៗរូបផងដែរ។
ជាចុងបញ្ចប់ព្រះគ្រូចៅអធិការវត្ត បានប្រសិទ្ធពរជ័យ សិរីសួស្ដី ជ័យមង្គល ចូរកើតមានដល់អស់លោក លោកស្រី និងញាតិញោមទាំងអស់ សូមបានជួបនូវពុទ្ធពរទាំងបួនប្រការគឺ អាយុ វណ្ណៈ សុខ: និងពលៈ កុំបីឃ្លៀងឃ្លាតឡើយ ៕ ដោយ= សុខហ៊រ
