ខេត្តបន្ទាយមានជ័យ ៖ ក្រោយពីបែកធ្លាយសារសម្លេងអ្នកភូមិ ដែលបានសង្កេតឃើញភិក្ខុម៉ុត សាម៉ន
អធិការវត្តអូរនាងស្ថិតនៅភូមិអូរនាង សង្កាត់អូរឬស្សី ក្រុងប៉ោយប៉ែត្រ ខេត្តបន្ទាយមានជ័យ ចេញចូលផ្ទះប្រពន្ធ និងបានអោយលុយប្រពន្ធទៅចងការ លើបណ្តាញសង្គមហ្វេសបុករយៈពេលជិត១ឆ្នាំមកនេះ រឿងអាស្រូវនេះមិនត្រូវបានកប់បាត់នោះទេ ។
តាមប្រភពពីភាគីដែលមិនពេញចិត្តក្នុងការដឹកនាំរបស់ចៅអធិការរូបនេះ បានប្រាប់អ្នកសារព័ត៌មាននៅក្នុងអំឡុងបុណ្យអំទូកថា ៖ ចៅអធិការរូបនេះលែងលះប្រពន្ធគ្រាន់ជាឆាកល្ខោនប៉ុណ្ណោះ។ម្យ៉ាងទៀតសង្ឃអង្គនេះក្រោយពីផ្ទុះរឿងអាស្រូវ គឺគេបានដើរពឹងពាក់មន្រ្តីធំៗក្នុងខេត្ត ពិសេសមេគុណក្រុង មេគុណខេត្ត និងអ្នកកាសែតជាច្រើននៅក្នុងខេត្តបន្ទាយមានជ័យ ដើម្បីឈរជើង ជាចៅអធិការដដែល ។
គួររំលឹកថា៖ ប្រជាពុទ្ធបរិស៍ទ និងព្រះសង្ឃគង់នៅក្នុងវត្តនេះ កាលកន្លងទៅបានដាក់ពាក្យបណ្តឹងទៅថ្នាក់លើតែមិនបានផលល្អនោះ ខ្លឹមសារ៦ចំណុចដូចតទៅ ៖
៖ ទី១ លេងឆាតជាមួយស្រី ដែលជាស្រីរបស់អតីតព្រះអនុគណក្រុងប៉ោយដែលបានចាប់ផ្សឹកកន្លងមក និងមានការណាត់ជួបក្នុងបំណងរួមរក្ស ។ទី២ ៖សង្ឃអង្គនេះមានប្រពន្ធកូន នឹងបាននាំប្រពន្ធកូនមកដេកក្នុងកុដិ៍ជាមួយទៀតផង ។ទី៣៖ ជាសង្ឃគ្មានគុណធម៌ សីលធម៌ និងមានចរិកត្រអើតក្រទម ។ ទី៤៖ប្រើហឹង្សាលើកូននេនតូចៗ ។ទី៥៖មិនចេះធម៌ និងការទេសនាប្រាស់ចាកពីឳវាទរបស់ព្រះសម្មាសម្ពុទ្ធ ។និងទី៦គឺស្នើអោយ ព្រះអនុគណក្រុងប៉ោយប៉ែត្រ ព្រះមេគណ ខេត្តបន្ទាយមានជ័យ និងសម្តេចនាយកមេត្តាដកព្រះសង្ឃនេះចេញពីវត្តអូរនាង ។
ប្រភពពីប្រជាពលរដ្ឋបានបង្ហើបថា ៖ ចៅអធិការអង្គនេះ ត្រូវជាក្មួយជាមួយអតីតចៅអធិការស្ទឹងបត់ និងមានតួនាទីជាអតីតអនុគណក្រុងប៉ោយប៉ែត ដែលមានរឿងអាស្រូវជាមួយស្រីញី មកគង់នៅវត្តស្ទឹងបត់នេះបាន២ខែ កឺមានការតែងតាំងជាចៅអធិការវត្តអូរនាង យ៉ាងតន់ហន់ ។
នៅថ្ងៃទី១៨ ខែវិច្ឆិកា ឆ្នាំ២០២៤ នេះក្រុមការងារសារព័ត៌មានយើងខ្ញុំមិនអាចរកការបំភ្លឺពីព្រះមេគុណខេត្តបន្ទាយមានជ័យ នឹងសាម៉ីខ្លួនបាននោះទេ ៕