បើតាមរបាយការណ៍ពីមន្ទីរទេសចរណ៍ខេត្តបាត់ដំបងបានឲ្យដឹងថា នៅថ្ងៃទី២ត្រូវនឹងថ្ងៃទី១៥ខែមេសាឆ្នាំ២០២៥ នៃពិធីបុ ណ្យចូលឆ្នាំប្រពៃណីជាតិខ្មែរ មានភ្ញៀវទេសចរជាតិ អន្តរជាតិ និងបងប្អូនប្រជាពលរដ្ឋ បានមកទស្សនាកម្សាន្តតាមបណ្តារម ណីយដ្ឋាន គោលដៅទេសចរណ៍ វត្តអារាម និងទីតាំងសង្ក្រាន្តបាត់ដំបង មានភ្ញៀវទេសចរសរុប ៦៦២.៣៣៥នាក់ មានការ កើនឡើងរហូតដល់២៧.៥៥% បើធៀបឆ្នាំមុន។
មន្ទីរទេសចរណ៍បន្ថែមថា ក្នុងចំណោមចំនួនអ្នកមកលេងកំសាន្តជាង៦៦ម៉ឺននាក់នៅខេត្តបាត់ដំបង នាថ្ងៃទី១៥ខែមេសាខា ងលើនេះ មានភ្ញៀវទេសចរជាតិ អន្តរជាតិ និងបងប្អូនប្រជាពលរដ្ឋ ដើរកម្សាន្តតាមរមណីយដ្ឋាន គោលដៅទេសចរណ៍ វត្តអា រាម សរុប ២០១,៧៣៦នាក់ និង ដើរកម្សាន្តក្នុងព្រឹត្តិការណ៍សង្ក្រាន្តបាត់ដំបង សរុប ៤៦០,៥៩៩នាក់។
បើតាមលោក ហម អរុណ អនុប្រធានមន្ទីរទេសចរណ៍ខេត្តបាត់ដំបង បានឲ្យដឹងថា ចំនួនភ្ញៀវទេសចរ ដែលបានមកលេងក ម្សាន្ត ខេត្តបាត់ដំបង មានភ្ញៀវទេសចរជាតិ៦៦១ ៣៧៨នាក់ កើនឡើង២៧.៥៩%បើប្រៀបធៀបរយះពេលដូចគ្នាឆ្នាំ២០២៤ និងភ្ញៀវទេសចរអន្តរជាតិ ៩៥៧នាក់ កើនឡើង៤.៩៣% បើប្រៀបធៀបនឹងរយៈពេលដូចគ្នាឆ្នាំ២០២៤។
លោកបញ្ជាក់ថា រយៈពេលពីរថ្ងៃគឺចាប់ពីថ្ងៃទី១៤ដល់១៥មេសាមានភ្ញៀវទេសចរជាតិ អន្តរជាតិ និងបងប្អូនប្រជាពលរដ្ឋ មក លេងកំសាន្តនៅខេត្តបាត់ដំបង រហូតដល់ជាង១លាន ៦ម៉ឺន៩ពាន់នាក់ ក្នុងនោះភ្ញៀវមកលេងកំសាន្តក្នុងព្រឹត្តិការណ៍សង្ក្រាន បាត់ដំបងសរុប៧៤៦ ៨០០នាក់។ខណះនៅថ្ងៃទី១ត្រូវនិងថ្ងៃទី១៤ ខែមេសា ឆ្នាំ២០២៥ មានសរុប៤០៦,៧៩៥នាក់៕
អត្ថបទ÷សួន ចាន់នី
