សេចក្ដីរាយការណ៍ពីប្រជាពលរដ្ឋនៅក្រុងប៉ោយប៉ែត បានឲ្យដឹងថា មួយរយៈកន្លងទៅនេះឈ្មួញនាំចូលទំនិញគេចពន្ធ ម៉ូតូគេចពន្ធតាមច្រករបៀងព្រៃគប់ ដែលគ្រប់គ្រងដោយវរនគរការពារព្រំដែនលេខ៩១១យ៉ាងរលូន។
ប្រភពពីឈ្មួញមួយចំនួន បានឲ្យដឹងថា មួយផ្នែកនៃទំនិញគេចពន្ធដែលនាំចូលពីប្រទេសថៃ តាមច្រករបៀងព្រៃគប់ គឺជាទំនិញរបស់លោក សូ ចាន់ណារី មេបញ្ជាការវរនគរបាលការពារព្រំដែនលេខ៩១១ តែម្ដង។
ករណីប្រជាពលរដ្ឋខ្មែរធ្វើចំណាកស្រុកឆ្លងដែនចេញចូលតាមច្រករបៀងព្រៃគប់ ក៏ជាប្រភពចំណូលរបស់លោក សូ ចាន់ណារី ផងដែរទើបអ្វីៗអាចប្រព្រឹត្តទៅដោយរលូន ហើយលោក សូ ចាន់ណារី មានខ្នងបង្អែករឹងមាំទើបហ៊ានធ្វើអ្វីៗតាមអំពើចិត្ត។
តាមការបង្ហើបពីមន្រ្តីអាជ្ញាធរ និងសមត្ថកិច្ចមូលដ្ឋានក្នុងក្រុងប៉ោយប៉ែត ខេត្តបន្ទាយមានជ័យ បានឲ្យដឹងថា ច្រករបៀងជាច្រើនកន្លែងតាមព្រំដែនខ្មែរ-ថៃ ក្នុងក្រុងប៉ោយប៉ែត នៅក្រោមការគ្រប់គ្រងរបស់លោក សូ ចាន់ណារី មេបញ្ជាការវរកាពារព្រំដែនលេខ៩១១ មានឈ្មួញនាំចូលទំនិញគេចពន្ធយ៉ាងពេញបន្ទុក។ ទន្ទឹមនឹងនេះនៅច្រករបៀងទាំងនេះមានពលករចំណាកស្រុក ឆ្លងដែនចេញចូលទឹកដីសៀម យ៉ាងអនាធិបតេយ្យផងដែរ ។
លោក សូ ចាន់ណារី នៅថ្ងៃទី១៧ ខែមិថុនា ឆ្នាំ២០២២ នេះក្រុមការងារ ព្រះនរាយណ៍ មិនរកការបំភ្លឺបាន នោះទេ ។
ទោះជាយ៉ាងណា មន្រ្តីរាជការ ក៏ដូចពលរដ្ឋ បានស្នើដល់អភិបាលខេត្តបន្ទាយមានជ័យ ក៏ដូចស្នងការខេត្ត សូមជួយពិនិត្យ ស្រាវជ្រាវ និងមានវិធានការ កុំអោយថ្នាក់ក្រោមៗ ជិះសេះលែងដៃ ៕
