ខេត្តកំពត ៖ កាស៊ីណូ «សុខគឹមម៉េង» មានទីតាំងនៅតន់ហន់ ជាប់នឹងច្រកទ្វារទ្វេភាគីតន់ហន់ ក្នុងឃុំព្រែកក្រឹស ស្រុកកំពង់ត្រាច ដែលបានបើកដំណើរការអោយអ្នកញៀ.នល្បែងចូលលេងយ៉ាងគគ្រឹកគគ្រេង ដែលជាបញ្ហានៃរបាយការណ៍មកថា កាស៊ីណូខាងលើមានសន្តានចិត្តល្អ អោយតែបងប្អូនអ្នកសារព័ត៌មានមួយចំនួនបានឆ្លងកាត់ និងបានចូលសុំសាំង ចាងហ្វាយ១៥ដុល្លា និង ថាន:ក្រោមនឹង បាន១ម៉ឺន ២ម៉ឺនរៀល គឺខាងកាស៊ីណូ អោយទាំងអស់ ។
តាមសេចក្តីរាយការណ៍ហាក់ល្វីងមុខ ដែលទំលាយចេញមក គឺមានតួលេខក្នុងបញ្ជីវត្តមាន បងប្អូនអ្នកកាសែត មានចំនួន រហូតជិត១ពាន់ នៅពេលបិទបញ្ជីក្នុងខែ ឧសភា គឺសុទ្ធតែកូពីកាតដើម្បីផ្ទៀងផ្ទាត់ផងដែរ ទើបខាងកាស៊ីណូ អោយលុយ ។
មជ្ឈដ្ឋាននានា បានចោទសួរថា តើកាស៊ីណូនេះ មានសន្តានចិត្តល្អ ឬ ដើម្បីលោងចិត្ត មិនអោយក្រុមអ្នកសារព័ត៌មាន នាំគ្នាផ្សាយ និងនាំគ្នាចោមរោម យកព័ត៌មាន មិនប្រក្រតីចេញពីកាស៊ីណូនោះ មកលាតត្រដាង ព្រោះថាកាស៊ីណូនេះ មានអ្នកចូលលេងច្រើនជាងគេបំផុតនិងភាគច្រើនជាជនជាតិខ្មែរ ។
ពាក្យពោលថា ទីណាមានល្បែងពាលា អាវ៉ាសែ ទីនោះប្រាកដកើតមានចោរ និង អំពើហឹង្សាក្នុងគ្រួសារជាក់ជាមិនខាន ហើយអ្នកចាញ់ល្បែង ក្រៅពីអស់ទ្រព្យសម្បត្តិ បាត់បង់សុភមង្កលក្នុងគ្រួសារ ក៏អាចសំលាប់ខ្លួនផងដែរ ៕
