ភ្នំពេញ ៖ ក្រោយពីមានវត្តឆ្នោតឡូតូ ដែលមានច្បាប់អនុញ្ញាតិ បានយកទៅដាក់តាមហាងកាហ្វេនានា ពិសេសក្នុងរាជធានីភ្នំពេញ សូម្បីតែច្រកតូចៗ និង ឌឿងហែម មិនថានៅរាជធានីភ្នំពេញ សូម្បីតាមបណ្តាខេត្តក្រុង ស្រុក ឃុំ ភូមិ ក៏មានវត្តមានផងដែរ ។
ការរីកសាយភាព និង គ្រប់ច្រកល្ហក របស់ក្រុមហ៊ុន គឺបង្ហាញថា មានប្រជាជន ដែលញៀនល្បែងស៊ីសង បានពពាក់ពពូនគ្នា លេងល្បែងស៊ីសង ដោយមិនគិតពីវាសនា អនាគតក្រុមគ្រួសាររបស់ខ្លួននោះឡើយ ។
ការរីកសាយភាព ក៏មានជនឆ្លៀតឳកាសនិយម បានបង្កប់ល្បែងផ្សេងៗទៀត ក្រៅច្បាប់ មានបាល់ និង ល្បែងមាន់ជល់តាមអនឡាញ ជាដើម។
ការលួចបង្កប់មាន់ជន់អនឡាញទាំង នេះ វាហាក់ក្លាយជារឿងធម្មតាទៅហើយ ព្រោះថារាល់សារព័ត៌មានចុះផ្សាយ យ៉ាងជ្រក់ជ្រិញ នូវទីតាំងទំាងនោះ ទើបមានមន្រ្តីចុះទៅពិនិត្យ ពេលខ្លះមន្រ្តីនោះបានធ្វើកិច្ចសន្យាបានម្តង ឬ ពីរដង តែចុងក្រោយទីតាំងមួយអាទិត្យ ឬ បីថ្ងៃគេបើកលេងវិញ តែក្នុងនោះក៏មានលោកស្នងការខ្លះបានអនុវត្តន៍ច្បាប់ដោយមិនស៊ីសំណូកផងដែរ ។
ការដែលអាចមានវត្តមានបង្កប់នូវមាន់ជល់ បាល់ទាត់ នៅក្បែរនឹងទូរទស្សន៍ឡូតូនោះ គឺមានការយល់ស្របពីមន្រ្តីខិលខូច មួយចំនួន រាប់ចាប់ពីថ្នាក់លើ រហូតដល់ថ្នាក់ក្រោម ។ នេះបើយោងតាមប្រភព អ្នកមើលការខុសត្រូវ ។
ការបណ្តែតបណ្តោយ អោយមានការរីកដូចផ្សិត របស់ក្រុមទាំងនេះ បានធ្វើអោយមហាជន គិតទៅដល់គោលនយោបាយភូមិ សង្កាត់មានសុវត្ថិភាព ត្រូវបានមន្រ្តីមួយចំនួនយកទៅទ្រាប់អង្គុយ ព្រោះតែលាបសក្ការៈ និងចានឆ្នាំង របស់ខ្លួន និង របស់មេ ជាដើមនោះ៕
