ប្រភពថា ចំពោះទីតាំងខាងលើនេះ កន្លងមកត្រូវបានបណ្ដាញព័ត៌មានជាច្រើន ធ្លាប់បានចុះផ្សាយជុំវិញបង្កប់ល្បែងសុីសងខុសច្បាប់ និងធ្លាប់បានបិទមួយរយះពេលខ្លីដែរ ប៉ុន្តែនៅថ្មីៗនេះ ស្រាប់តែគេឃើញថា បានបើកឲ្យដំណើរវិញជាធម្មតាឡើងវិញ និងបានកំពុងទទួលទាំងភ្ញៀវជនជាតិចិន និងពលរដ្ឋខ្មែរចូលទៅលេងទាំងថ្ងៃទាំងយប់។
ប្រភពព័ត៌មានបានឲ្យដឹងទៀតថា ទីតាំងបើកលេងល្បែងសុីសងក្នុងមជ្ឈមណ្ឌល ចយ ហូថែល កន្លងមកពិតជាធ្លាប់បានបិទមួយរយៈហើយមែន បន្ទាប់ពីមានសារព័ត៌មានក្នុងស្រុកជាច្រើនបានចុះផ្សាយថា មានបង្កប់លេងល្បែងសុីសង ហើយពេលនេះទីតាំងមួយកន្លែងនេះ បានកំពុងបើកដំណើរការជាថ្មីវិញហើយដែរ។
ប្រភពបានបន្តទៀតថា មជ្ឈមណ្ឌលខាងលើ មានលេងល្បែងបៀរចិននិងល្បែងផ្សេងៗទៀត ដូចក្នុងកាសុីណូជាពិសេសពេលយប់សំបូរភ្ញៀវចូលលេងណាស់សុទ្ធតែភ្ញៀវ វី អាយ ភី(VIP)។
