មាន់ជល់អនឡាញ ក្បែរគល់ស្ពានព្រែកក្តាមផ្លូវ៦១ នៅក្នុងតារាងបាល់ទះ ស្រុកពញាឮ ខេត្តកណ្តាល បើកលេងរាប់ខែមកហើយ

ខេត្តកណ្តាល : នៅរសៀលថ្ងៃទី២ ខែមករា ឆ្នាំ២០២៤នេះ ប្រជាពលរដ្ឋរាយការណ៍មកថា មានល្បែងមាន់ជល់អនឡាញ ១កន្លែងស្ថិតនៅក្នុងតារាងបាល់ទះ តាមបណ្តោយផ្លូវ៦១ គល់ស្ពានព្រែកក្តាម ហួសវត្តមុន្នីសាគរ ប្រមាណ៥០០ម៉ែត្រ គឺបើកលេងយូរខែមកហើយ ។

ប្រភពថា អ្នកចាញ់ល្បែងមិនជាអ្នកឆ្ងាយនោះ ទេ គឺជាកូនចៅភូមិនៅក្បែរៗនេះ ។ មានអ្នកខ្លះអស់ម៉ូតូ អស់ឡាន ជំពាក់គេវ័នក តែអ្នកញៀនល្បែងនៅតែសប្បាយដោយមិនគិតពីក្រុមគ្រួសារអីនោះទេ ។

ប្រភពបានសំណូមពរសមត្ថកិច្ច អោយចុះពិនិត្យនិងចាត់ការតាមការគួរ ៕