ក្រោយពីក្រុមវក់នឹងល្បែងស៊ីសង តាមប្រព័ន្ធឡូតូ ចាញ់មេខ្លាំងពេក ពួកគេក៏ងាកមកលេងមាន់ជល់វិញ
ព្រោះមាន់ជល់អនឡាញអាចមើលឃើញពីភិនភាគមាន់ និង មើលតាមប៉ុងខៀវ ឬ ក្រហម( ពេលខ្លះគេដាក់គូក្រហមឬខៀវ ឈ្នះរហូតដល់៧ឬ៨គូ ក៏មាន ឯស្មើ ៣០គូ អាចមានម្តង ។
ពួកអ្នកញៀនល្បែងទាំងនេះ លេងដោយសុវត្ថិភាពខ្លាំងណាស់ ពួកគេមិនមានអ្នកមកបង្អើល ឬចាប់មកអប់រំ នោះទេ ។ពួកគេលេងពេលខ្លះឈ្នះ ពេលខ្លះចាញ់ តែភាគច្រើន មានម៉ូតូក៏អស់ម៉ូតូ មានឡានក៏អស់ឡាន អស់ទាំងប័ណ្ណក្រីក្រក៏មាន ខ្លះទៀតក៏ក្លាយជាចៃល្បែង ។
ប្រភពដែលនាំអោយពួកគេវិនាសហិនហោច និងខ្លោចផ្សារដល់ក្រុមគ្រួសារនោះ គឺពួកគេមិនបានចេញទៅរកស៊ីឯណាក្រៅពីសំកុកនឹងកន្លែងវង់ល្បែង ដោយយកលុយពីផ្ទះ .យកពីប្រពន្ធដែលជាកម្មការិនីរោងចក្រ .យកពីប្រពន្ធលក់ដូរនៅឯផ្សារ នោះទេ ។
កន្លងមកមានស្នងការខេត្ត១ បានដាក់បទបញ្ជាយ៉ាងម៉ឺងម៉ាត់ ចំពោះមេប៉ុស្តិ៍ណាគ្រប់គ្រងមិនបានចំពោះល្បែងស៊ីសងខុសច្បាប់នឹងត្រូវទទួលខុសត្រូវអំពីការងាររបស់ខ្លួន ។ពេលនោះប្រជាពលរដ្ឋពេញចិត្តខ្លាំងណាស់ តែឥឡូវហាក់ បន្ធូរដៃ(មើលគេមើលឯង)។
ជាការសំណូមពររបស់ប្រជាពលរដ្ឋ បានសុំដល់សម្តេចធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា មេត្តាបិទល្បែងឡូតូនេះតែម្តង ព្រោះមានច្បាប់ឡូតូ ជាដើមហេតុនាំអោយកើតមាន់អនឡាញ រីកដូចផ្សិតនិងពេញនិយមផងដែរ សំរាប់អ្នកវក់នឹងល្បែងនេះ ៕