ខេត្តរតនគិរី ៖ បន្ទាប់ពីមានការស្ងប់ស្ងាត់បទល្មើសព្រៃឈើអស់រយៈពេលជាច្រើនសប្តាហ៍កន្លងមក ឈ្មួញភាគច្រើនក៍ សុំចោតរថយន្ត ពុំមានឃើញបន្តសកម្មភាព ដឹកជញ្ជូនបទល្មើសព្រៃឈើចេញចូលនោះឡើយ។ ដោយឡែកក្រុមឈ្មួញមួយចំនួនតូច នៅឆ្លៀតឱកាសបន្តលួច លោតឆ័ត្រ ឆ្មក់ កញ្ឆក់កណ្តៀត ( បោះសន្ទូចរំលងភ្នំ) តាមរថយន្តខ្នាតតូចស៊េរីទំនើបៗបំភ័ន្តភ្នែកសមត្ថកិច្ច។ល។
ជាក់ស្តែង រថយន្តម៉ាកកាម៉ារីគូទកាត់មួយគ្រឿងព័ណទឹកប្រាក់ពាក់ស្លាកលេខបាត់ដំបង 2A: 1428 ផ្ទុកឈើប្រណិតពេញណែនប្រភេទឈើធ្នុងដឹកចេញពីចំណុច ភូមិតឺន ឃុំ តឺន ស្រុកកូនមុំខេត្តរតនគិរី ឆ្ពោះមកក្រុងបានលុង ខណះមដល់ចំណុចរង្វង់មូលយាយទូលចេក ស្ថិតក្នុងភូមិ១ សង្កាត់កាចាញ ក្រុងបានលុង ខេត្តរតនគិរី ត្រូវកម្លាំងនគរបាលប្រឆាំងបទល្មើសសេដ្ធកិច្ចស្ទាក់ចាប់បង្ក្រាបបានភ្លាមៗតែម្តង។
មន្ត្រីនគរបាលដែលចុះបង្ក្រាបបានបង្ហើបអោយPN/TVដឹងថា៖ ការចុះបង្ក្រាបនេះធ្វើឡើងកាលពីយប់ថ្ងៃទី06ខែមករាឆ្នាំ 2017 (វេលាម៉ោង02,និង30នាទីរំលងអធ្រាត) ។
មន្ត្រីដដែលបន្តថា៖ ដោយមានការសហការល្អ ជាមួយភ្នាក់ងារសង្ងាត់ខិតខំយកចិត្តទុកដាក់ពួនស្ទាក់ និងឃ្លាំមើលសកម្មភាពដឹកជញ្ជូនបទល្មើសផ្សេងៗ ទើបឈានទៅ ធ្វើការចាប់បង្ក្រាបបានរថយន្តមួយគ្រឿងខាងលើនេះបានយ៉ាងរលូន ប៉ុន្តែ តៃកុងរថយន្តបើកទ្វារត់គេចខ្លួនបាត់ស្រមោល។
បច្ចុប្បន្ន ទាំងវត្វុតាង និង រថយន្ត សមត្ថកិច្ចនាំមករក្សាទុកទាំងយប់នៅស្នងការដ្ធាននគរបាលខេត្ត ដើម្បីបំពេញសំណុំបែបបទបញ្ជូនអោយទៅជំនាញផ្នែករដ្ធបាលព្រៃឈើលំផាត់ចាត់ការបន្តតាមនិតិវិធីច្បាប់ព្រៃឈើ ៕
ដោយ ៖ លី វណ្ណៈ ភ្នាក់ងារPN/TV ទូរទស្សន៍ព្រះនរាយណ៍ រាយការណ៍ពីខេត្តរតនគិរី
