បាត់ដំបង ៖ សិប្បកម្មផលិតទឹកបរិសុទ្ធមួយកន្លែង ដែលមានស្លាកយ៉ីហោ (ហ្គោលដិនស៊ី) ដែលមានទីតាំងស្ថិតក្នុងស្រុកភ្នំព្រឹកខេត្តបាត់ដំបង កំពុងត្រូវបានរងការរិះគន់ពីសំណាក់ប្រជាពលរដ្ឋក្នុងស្រុកថា ផលិតនៅកណ្តាលវាល គ្មានអនាម័យត្រឹមត្រូវ មិនខុសពីច្រកទឹកដាក់រថយន្ត ហើយទើបស្រោបមាត់ធុង ដើរលក់អាចប្រឈមខ្លាំងប៉ះពាល់ដល់សុខភាពអតិថិជនទូទាំងស្រុក ។
ប្រជាពលរដ្ឋរស់នៅទីប្រជុំស្រុកភ្នំព្រឹកខេត្តបាត់ដំបង ដែលជាអតិថិជនជាច្រើននៅថ្ងៃទី០៧ ខែកុម្ភៈ ឆ្នាំ២០១៧នេះ បានបញ្ជាក់ឲ្យដឹងថា ទីតាំងផលិតទឹកបរិសុទ្ធយ៉ីហោ(ហ្គោលដិនស៊ី)នេះ មានទីតាំងឋិតនៅជាមួយគ្នា និងស្ថានីយ៍ប្រេងឥន្ធៈមិនមានឈ្មោះទល់មុខបេនឡាន និងជាប់ផ្លូវក្រវ៉ាត់ព្រំដែន បែកជាបួន ក្នុងភូមិសាស្ត្រភ្នំតូចឃុំពេជ្រចិន្តា ស្រុកភ្នំព្រឹក បានផលិតទឹកបរិសុទ្ធជាយូរឆ្នាំមក ហើយដោយបូមទឹកច្រកចូលដបព៌ណសនិងពណ៌ខៀវចំណុះ២០លីតផង និងបូមទឹកលក់ដាក់ក្នុងធុងទឹកធំៗផង នៅកណ្តាលវាលហើយបិតគំរបលើកដាក់លើរថយន្តដឹកជញ្ជួនបោះអោយម៉ូយគ្រប់កន្លែងលក់ ។
ពួកគាត់បន្តថា ប្រជាពលរដ្ឋរស់នៅក្នុងស្រុកទាំងអស់ដែលធ្លាប់បានទិញទឹកបរិសុទ្ធនេះទទួលទានគ្រប់គ្នាគិតថា ហូបហើយជាទឹកស្អាតល្អ មិនព្រួយបារម្ភ ពីការប៉ះពាល់ដល់សុខភាពនោះទេ មិននឹកស្មានថា សិប្បកម្មខាងលើផលិតមិនមានការយកចិត្តទុកដាក់មិនមានបន្ទប់បិតបាំង ឬដំបូលឡើយមិនតែប៉ុណ្ណោះ ទីកន្លែងបូមទឹកច្រកចូលដបឬធុងនៅរួមជាមួយគ្នាលូកឡំ និងកន្លែងបូមប្រេងឥន្ធនៈថែមទៀត។
បញ្ហាខាងលើនេះ ប្រជាពលរដ្ឋសំណូមពរអោយមន្ត្រីជំនាញដែលពាក់ព័ន្ធចុះបំពេញការងារបម្រើសង្គមផង បើនៅតែបណ្ដែតបណ្ដោយមិនបានយកចិត្តទុកដាក់ដូចនេះទៀតប្រាកដជាប្រជាពលរដ្ឋជួបនូវការលំបាកយ៉ាងធ្ងន់ធ្ងរជាក់ជាមិនខានថ្ងៃខាងមុខ ។
ចំណែកលោក ឡេង ស្រ៊ុន ម្ចាស់សិប្បកម្មផលិតទឹកបរិសុទ្ធហ្គោលដេនស៊ី និងជាម្ចាស់ស្ថាននីយ៍ប្រេងឥន្ធៈ គ្មានម៉ាកគ្មានយ៉ីហោខាងលើនេះ បានប្រាប់អោយដឹងថា លោកសុំការលើកលេងផង កុំអោយផ្សព្វផ្សាយចេញទៅខាងក្រៅ ចំពោះរឿងនេះ ព្រោះលោកគ្រោងនិងរៀបចំទីកន្លែងហើយអ្វីទាំងអស់ដែលប្រជាពលរដ្ឋប្រតិកម្មរិះគន់លោកទទូលស្គាល់ ។
រីឯប្រធានមន្ទីរឧស្សាហកម្មនិងសិប្បកម្មខេត្តបាត់ដំបង លោក សំបូរ ផូ បានអោយដឹងថា ៖ ទីតាំងសិប្បកម្មផលិតទឹកបរិសុទ្ធខាងលើ លោកធ្លាប់បានណែរនាំមួយដងជាពីរដងហើយ តែមិនអនុវត្ត ។ លោកនឹងចាត់អោយមន្ដ្រីរបស់លោកចុះទៅពិនិត្យសារជាថ្មីទៀតនៅពេលក្រោយ ៕
ដោយលោក សៅ សារិទ្ធ ភ្នាក់ងារ PN TV ទូរទស្សន៍ ព្រះនរាយណ៍ រាយការណ៍
ពីខេត្តបាត់ដំបង
