ខេត្តមណ្ធលគិរី : យោងតាមសេចក្តីរាយការណ៍ ពីប្រជាពលរដ្ឋក្នុងភូមិចុងជាង ឃុំពូជ្រៃ ស្រុកពេជ្រាដា បានឲ្យដឹងថា ព្រៃអភិរក្សក្នុងមូលដ្ឋានពួកគាត់នៅតែប្រឈមនឹងការកាត់រំលំអារច្រៀកដឹកជញ្ជូនធ្វើអាជីវកម្មយ៉ាងអនាធិបតេយ្យ ហើយយូរៗម្តងទើបឃើញមន្ត្រីបរិស្ថាននិងសមត្ថកិច្ចពាក់ព័ន្ធបង្ក្រាប១ម្តង ម្កាល។ តែការបង្ក្រាបនោះគឺសមត្ថកិច្ចបង្ក្រាបបានតែរណារយន្តនិងឈើជាវត្ថុតាងហើយអ្នកប្រព្រឹត្តបទល្មើសនៅតែអាចគេចផុតពីសំណាញ់ច្បាប់
ដដែល ។
ប្រជាពលរដ្ឋក្នុងឃុំពូជ្រៃ ស្រុកពេជ្រាដា បានឲ្យដឹងថា ឈ្មួញច្រើននាក់នៅតែអាចដឹកជញ្ជូនឈើពីមូលដ្ឋានពួកគាត់ចេញទៅស្រុកយួនតាមច្រកព្រំដែនទ្វេភាគីដាក់ដាំ ស្រុកអូររាំង ដែលចុងក្រោយនេះ លេចឈ្មោះ ក្រុមខ្យល់ព្យុះ
ជាអ្នករត់ការ ។
ទោះជាយ៉ាងណាគេជឿជាក់ទៅលើ ស្នាដៃលោក ស្វាយ សំអ៊ាង អភិបាលខេត្តមណ្ឌលគិរី និងលោក ឡោ សុខា ស្នងការនគរបាលខេត្តមណ្ឌលគិរី គឺមិនបណ្តែតបណ្តោយអោយក្រុមនេះ ធ្វើព្យុះ ធ្វើភ្លៀង បានទៀតនោះទេ ៕
