ខេត្តមណ្ឌលគិរី : ឆ្លៀតឪកាសស្របពេលដែលបិទខ្ទប់ការចរាចរណ៍ចេញចូលរវាងពីខេត្ត១ទៅខេត្ត១ដើម្បីទប់ស្កាត់ការរីករាលដាលនៃជម្ងឺកូវិដ19 ប៉ុន្តែខេត្តមណ្ឌលគិរី១នេះ គេបានសង្កេតឃើញអាជ្ញាធរបើកភ្លេឺងខៀវឲ្យក្រុមឈ្មួញជនជាតិវៀតណាមចូលមកដោយអានាធិបតេយ្យដឹកយកឈើទៅលក់នៅប្រទេសវៀតណាមបានយ៉ាងសកម្មតាមច្រកទ្វេភាគីដាក់ដាំ ស្ថិតក្នុងភូមិ ពូឆប ឃុំដាក់ដាំ ស្រុកអូររាំង ខេត្តមណ្ឌលគិរី ទាំងយប់ទាំងថ្ងៃផ្ទាល់តែម្តង។
ជាក់ស្តែងរូបភាពនៃសកម្មភាពក្រុមឈ្មួញបានដឹកជញ្ជូនយកឈើនេះ គឺកើតឡើងនៅយប់ថ្ងៃទី30ខែមេសាឆ្នាំ2021 ក្រុមឈ្មួញវៀតណាមបានជួលរថយន្តខ្មែរដឹកជញ្ជូនចេញ បន្តកន្ទុយគ្នាដោយដឹក ចេញពីតំបន់ដេអេ ដែលមានក្រុមអ្នកប្រមូលទិញឈើស្រាប់ពីដែនព្រៃបរិស្ថានគ្រប់គ្រង នៅក្នុងស្រុកពេជ្ចដា ដែលជាប្រភេទឈើស្រឡៅ ដោយក្នុងមួយយប់ៗមិនគ្រោម៥០ទៅ៦០គ្រឿងរថយន្តសាំយ៉ុងនោះទេ។
ក្រុមឈ្មួញវៀតណាមទាំងនោះត្រូវបានគេស្គាល់ឈ្មោះ : (ទៀង) ដែលជាមេក្លោងចូលមកទំនាក់ទំនងប្រមូលទិញយកឈើពីក្រុមឈ្មួញរបស់ខ្មែរដែលគេហៅថាក្រុមខ្យល់ព្យុះ។
ពាក់ព័ន្ធករណីបង្កើតឲ្យមានបទល្មើសក្នុងខណះបិទខ្ទប់ព្រំប្រទល់ពីខេត្តមួយទៅខេត្តមួយ ឧត្តមសេនីយ៍ទោ ឡោសុខា ស្នងការដ្ឋាននគរបាលខេត្តមណ្ឌលគិរី ភ្នាក់ងារទូរទស្សន៍ព្រះនរាយណ៍មិនអាចស្វែងរកការបំភ្លឺបានទេនៅព្រឹកថ្ងៃទី១ខែឧសភាឆ្នាំ2021 ដោយទូរស័ព្ទខលចូលជាច្រើនដង ពុំមានអ្នកលើក។
កន្លងមកសម្តេចតេជោ ហ៊ុន សែន ធ្លាប់ក្រើនរម្លឹកដល់មន្រ្តីពាក់ព័ន្ធទាំងអស់ បង្កើនការបង្រ្កាបការរត់ព័ន្ធឈើឆ្លងដែន ។ តែសម្តេចខ្លាចមន្រ្តី ចូលដៃ ចូលជើង ជាមួយឈ្មួញ ទើបធ្វើអោយរឿងនេះកើតឡើងដដែលៗ បង្រ្កាបមិនចេះអស់ មិនចេះហើយ ៕
