ខេត្តកណ្តាល :កសិដ្ឌានចិញ្ចឹមមាន់១កន្លែង ខាងក្រោយផ្សារស្អាងខាងជើង ស្ថិតក្នុងភូមិត្រពាំងឈូក ឃុំព្រែកគយ ស្រុកស្អាង ខេត្តកណ្តាល បានសង់រំលោភលើស្ទឹងរមាចាប ហើយបានបង្កផលប៉ះពាល់ដល់សុខភាពនិងបរិស្ថាន ពិសេសបង្កការរំខានខ្លាំងដល់ខ្យល់ដកបង្ហើម ប្រជាជនក្បែរខាង ។
ប្រភពថា ទីតាំងកសិដ្ឋានចិញ្ចឹមមាន់
ដែល មិនបានគោរពតាមគោលការណ៍ថែរក្សាបរិស្ថាន នាំឲ្យជះក្លិនស្អុយ រុយរោមច្រើន និងបង្កផលប៉ះពាល់ដល់ជីវភាពរស់នៅរបស់ពលរដ្ឋក្បែរនោះ ជារបស់កូន លោក ឈាង តាង មេឃុំព្រែកគយ ស្រុកស្អាង ។
ប្រជាជនដែលបានផ្ញើសារ មក “ក្រុមសារព័ត៌មាន” នៅព្រឹកថ្ងៃទី៩ ខែមិថុនា ឆ្នាំ២០២១ នេះ ។ ដោយបានបញ្ជាក់ថា គាត់ជាប្រជាជន រស់នៅជាប់នៅរបង កសិដ្ឋានចិញ្ចឹមមាន់ មានការម៉ួម៉ៅជាខ្លាំង ដែល បង្កឡើងដោយរុយ និង ធុំក្លិនស្អុយ មិនថាចំណីមាន់ក៏ស្អុយ អាចម៍មាន់ក៏ស្អុយដែរ ស្អុយគ្រប់ពេលវេលា ។
ប្រជាជនបានសំណូមពរ សូមអោយអាជ្ញាធរស្រុក និង មន្រ្តីពាក់ព័ន្ធមកចុះ ពិនិត្យលើការរំលោភយកស្ទឹងនេះ មកធ្វើជាកម្មសិទ្ធិ និង បញ្ហាកសិដ្ឋានចិញ្ចឹមមាន់ សូមអោយគោរពទៅតាមបទដ្ឋាននៃការចិញ្ចឹម ពោលគឺកមានរុយ នឹងក្លិនស្អុយជាដើម ។
ទាក់ទងបញ្ហានេះ លោកមេឃុំ ព្រែកគយ បានប្រាប់សារព័ត៌មាន យើងនៅល្ងាចថ្ងៃទី៩ ខែមិថុនា នេះថា ចំពោះកសិដ្ឋាននោះ លោកបានសង់ស្ពានហើយ នឹងបានសុំច្បាប់ពីស្រុកត្រឹមត្រូវ។
លោកបន្តថា ចំពោះពាក្យបណ្តឹងទាំងឡាយ លោកខិតខំ ដោះស្រាយ ក្នុងនាមលោក ជាអាជ្ញាធរឃុំ ។