(ខេត្តព្រៃវែង) កម្លាំងកងរាជអាវុធហត្ថខេត្តព្រៃវែង ស្ទាក់ចាប់រថយន្តសាំងយ៉ុងមួយគ្រឿងព៌ណទឹកប៊ិច ពាក់ស្លាកលខ”ភ្នំពេញ”2AK.3057 ដែលលួចដឹកទូរស័ព្ទដៃទំនើបៗគេចព័ន្ធបំរុងលោតឆ័ត្រចូលទៅប្រទេសវៀតណាម កាលពីវេលាម៉ោង៧ និង៣០នាទីយប់ ថ្ងៃទី៨ ខែមិថុនា ឆ្នាំ២០២១ នៅកំណាត់ផ្លូវជាតិលេខ១ ត្រង់ចំណុចលើស្ពាន(ត្រឹបាសា)អ្នកលឿង ស្ថិតក្នុងភូមិ២ ឃុំព្រែកខ្សាយ(ខ) ស្រុកពាមរក៍ ខេត្តព្រៃវែង។
បើតាមមន្ត្រីរាជអាវុធហត្ថខេត្តព្រៃវែង បានអោយដឹងថា រថយន្តសាំយ៉ុងដឹកទូរស័ព្ទដៃគេចពន្ធដែលកម្លាំងអាវុធហត្ថស្ទាក់ចាប់បាននេះ បើកបរដោយឈ្មោះ ខែម ទី ភេទប្រុសអាយុ៣៩ឆ្នាំ មានទីលំនៅភូមិអង្គក្តួច ឃុំព្រៃគគីរ ស្រុកចន្ទ្រា ខេត្តស្វាយរៀងត្រូវសមត្ថកិច្ចអាវុធហត្ថធ្វើការឃាត់ខ្លួនផងដែរ។បន្ទាប់ពីមន្ត្រីជំនាញធ្វើការឆែកឆេររកឃើញទូរសព្ទ័ដៃស៊េរីទំនើបចំនួន៤៦៨០គ្រឿង ដែលអត់មានឯកសារបង់ពន្ធអ្វីទាំងអស់ ដែលក្នុងនោះ រួមមានទូរសព្ទដៃម៉ាក iphone 12(promax)ចំនួន៧៦៨ គ្រឿង
២. ទូរសព្ទដៃម៉ាក iphone 12 ចំនួន ៩៤ គ្រឿង
៣. ទូរសព្ទដៃម៉ាក iphone 11(promax)ចំនួន៦៨៤គ្រឿង
៤. ទូរសព្ទដៃម៉ាក iphone 11 ចំនួន ១៥៥ ៥គ្រឿង
៥. ទូរសព្ទដៃម៉ាក iphone(xsmax)ចំនួន ៧៣៨គ្រឿង
៦. ទូរសព្ទដៃម៉ាក iphone 7(plus)ចំនួន ៦៧៩គ្រឿង
៧. ទូរសព្ទដៃម៉ាក iphone 7 ចំនួន ១៦២ គ្រឿង។ហើយទូរសព្ទ័ទាំងអស់នេះ គឺឈ្មួញមានបំណងលួចនាំចេញទៅប្រទេសវៀតណាម តាមច្រករបៀងក្នុងទឹកដីខេត្តស្វាយរៀង តែពេលមកដល់ទឹកដីស្រុកពាមរក៌ ក៏ត្រូវបានកម្លាំងអាវុធហត្ថស្ទាក់ចាប់ឃាត់បានតែម្តង។
គួរបញ្ជាក់ផងដែរថា ក្រោយពីចាប់ឃាត់រថយន្តខាងលើបានភ្លាម ទាំងមនុស្សនិងវត្ថុតាង ត្រូវបានអាវុធហត្ថប្រគល់ទៅអោយមន្ត្រីសាខាគយខេត្តព្រៃវែងទាំងយប់ ដើម្បីចាត់ការបន្ត។ប៉ុន្តែរហូតមកដល់រសៀលថ្ងៃទី៩មិថុនានេះ ភ្នាក់ងារទូរទស្សន៍អាសុីអាគ្នេយ៍យើង មិនអាចទំនាក់ទំនងសុំការបំភ្លឺពីមន្ត្រីជំនាញគយសាខាខេត្តព្រៃវែងបាននោះទេ ជុំវិញចំណាត់ការបន្តលើទំនិញគេចពន្ធ និងការបង្ហាញអត្តសញ្ញាណម្ចាស់ទូរស័ព្ទនៅឡើយនោះទេ៕
