ខេត្តកណ្តាល : កាលពីថ្ងៃទី២៤ ខែមិថុនា ឆ្នាំ២០២១ ករណីចាប់ខ្លួនបងប្អូនប្រជាពលរដ្ឋចំនួន០៣នាក់មិនដឹងមូលហេតុច្បាស់លាស់ នៅភូមិព្រែកតាកែវ២ ឃុំសំរោងធំ ស្រុកកៀនស្វាយ ខេត្តកណ្តាល ។
យោងតាមប្រភពប្រជាពលរដ្ឋនៅក្នុងភូមិបានគូសបញ្ជាក់អោយដឹងថា មានជនស៉ីវិលមួយក្រុមបានបេីកឡានមកយ៉ាងលឿន ហេីយចុះចាប់មនុស្សចំនួន០៣នាក់ ១/ឈ្មោះភក្រ្ត័ ២/ឈ្មោះពេជ្រ ៣/ឈ្មោះហេង ដែលកំពុងចុះទៅរកត្រី និងធ្វេីដំណេីរចុះទៅបេះម្ទេស ។
ពួកគាត់មិនដឹងរឿងអីសោះ ហេតុអីចុះចាប់ពួកគាត់មិនដឹងមូលហេតុយ៉ាងនេះ ជារឿងអយុត្តិធម៌មួយសម្រាប់ក្រុមគ្រួសារពួកគាត់ នឹងបានគោរពស្នើសុំសម្តេចតេជោ ហ៊ុន សែន មេត្តាជួយកូនចៅ ។
ប្រជាជនលើកឡើងថា អ្នកកាងដីនៅតំបន់នោះ ឈ្មោះធី ទងវង គឺម្នាក់នេះមានដីច្រើនណាស់ មើលអោយអ្នកធំ កាលពីជំនាន់ ឡោក ហួរ មកម្លេះ ។
ពាក់ព័ន្ធបញ្ហានេះ អធិការស្រុកគៀនស្វាយ លោក ព្រំ សំណាង បានអោយអង្គភាព ព្រះនរាយណ៍ ដឹងនៅព្រឹកថ្ងៃទី២៦ ខែមិថុនា ឆ្នាំ២០២១ នេះថា ខាងកំលាំងលោក ពិតជាបានឃាត់ខ្លួនអ្នកទាំងនោះមែន ។ លោកថា មកដល់ថ្ងៃនេះលោកបានបញ្ជូនទៅស្នងការហើយ ដោយមានការសំណូមពរពីម្ចាស់ដី សុំអោយអនុវត្តច្បាប់ ។
ពាក់ព័ន្ធការឃាត់ខ្លួនប្រជាជននេះ អង្គភាព ព្រះនរាយណ៍ បានតាំងជាសំណួរថា តើការចាប់នេះ មានដីកា ពីតុលាការទេ ? លោកអធិការថា រឿងនេះ ជាបទល្មើសជាក់ស្តែង ។
គួររម្លឹកថា បញ្ហាដីធ្លី នៅឃុំបន្ទាយដែក នឹង ឃុំសំរោងធំ ស្រុកគៀនស្វាយ បានជាកើតបញ្ហា ខណៈប្រមុខរាជរដ្ឋាភិបាល បានកាត់ដីជិត៣ពាន់ហិកតា ពីឯកឧត្តម ឡោក ហួរ តាំងពីឆ្នាំ២០១៧ មកអោយប្រជាជនវិញ ។ ដោយបានដំណឹងនេះប្រជាជនក្នុងភូមិខ្លះក៏បាននាំគ្នា ចាប់ដី អាស្រ័យផល ជាហូរហែរពីនោះមក ៕
