ខេត្តរតនគិរី៚🌹សមត្ថកិច្ចនគរបាលក្រុងបានលុងតាមប្រម៉ាញ់មុខសញ្ញាចាស់១នាក់ពាក់ព័ន្ឋ និង ករណីបទល្មើសជួញដូរគ្រឿងញៀនយ៉ាងសកម្មបានសម្រេច បញ្ជូនទៅអយ្យកាអមសាលាតំបូងខេត្តរតនគិរី។
ការចុះបង្ក្រាបមុខសញ្ញាយ៉ាងសកម្មខាងលើ ធ្វើឡើងតាមដីកាបង្គាប់អោយចាប់ខ្លួនលេខ១៦/២០ចុះថ្ងៃទី០២ខែមិថុនាឆ្នាំ២០២០ចេញដោយលោក ឈុនច័ន្ទសីហា ចៅក្រមជំនំជម្រះក្នុងករណីបទល្មើសជួញដូរគ្រឿងញៀនដោយសម្រេចដាក់ទោសទណ្ឌក្នុងពន្ធនាគារចំនួន៤ឆ្នំា។ ប៉ុន្តែជនសង្ស័យរូបនេះយីអ៊ុនខ្ពស់សមត្ថកិច្ចចាប់មិនបានសោះ ជាចៃដន្យមកទល់ថ្ងៃសៅរ៍៥រោចខែស្រាពណ៍ឆ្នាំឆ្លូវត្រីស័កព.ស២៥៦៥ត្រូវនិងថ្ងៃទី២៨ខែសីហាឆ្នាំ២០២១ វេលាម៉ោង១៣.០០នាទី យីអ៊ុនស្រុតចុះ អស់ល័ក្ខជាប់អន្ទាក់របស់កម្លាំងការិយាល័យប្រឆាំងបទល្មើសគ្រឿងញៀនខេត្តចាប់បង្ក្រាបបាន ដោយប្រើវិធានញុះញុង នៅចំណុចផ្ទះជនសង្ស័យ ខាងកើតផ្ទះសំណាក់(ផុនណាវី ) ស្ថិតក្នុងភូមិអភិវឌ្ឈន៍ សង្កាត់ឡាបានសៀក ក្រុងបានលុង ខេត្តរតនគិរី ។
លោក វរះសេនីយ៍ទោ លាងអុីម នាយការិយាល័យបង្ក្រាបបទល្មើសសារធាតុញៀន នៃស្នងការដ្ឋាននគរបាលខេត្តរតនគិរីបានអោយដឹងថា៖ កម្លាំងការិយាល័យចុះបង្ក្រាបករណីជួញដូរសារធាតុញៀនដោយខុសច្បាប់មួយនេះធ្វើទៅបាន ដោយមានការសម្របសម្រួលនិតិវិធីផ្ទាល់ពីលោក លាងអ៊ូ ព្រះរាជអាជ្ញារងអមសាលាតំបូងខេត្តរនគិរី។
លោកវរះសេនីយ៍ទោ បញ្ចាក់ថា៖ ជនសង្ស័យដែលសមត្ថកិច្ចចាប់បង្ក្រាបបាន មានឈ្មោះ វាំង តារាវិច្ឆ័យ ភេទប្រុស អាយុ៣១ឆ្នាំ ជនជាតិខ្មែរ សញ្ចាតិខ្មែរ មុខរបរមិនពិតប្រាកដ មានទីលំនៅភូមិអភិវឌ្ឈន៍សង្កាត់ឡាបានសៀកក្រុងបានលុង។ ហើយវត្ថុតាងដែលសមត្ថកិច្ចរិបអូសបាន រួមមាន៖
.ម៉្សៅក្រាមព័ណសថ្លាសង្ស័យសារធាតុញៀនចំនួន១កញ្ចប់ធំទម្ងន់២២.៧៣ក្រាម។
.ទូរស័ព្ទដៃចំនួន១គ្រឿង។
.ម៉ូតូចំនួន០២គ្រឿង
.ជញ្ជីងថ្លឹង ចំនួន១
.ដាវសាំម៉ូរៃចំនួន៤ដើម
.ថង់តូចៗសម្រាប់ច្រកសារធាតុញៀនមួយចំនួន
.និងសម្ភារះសេពមួយចំនួន។
បច្ចុប្បន្នជនសង្ស័យរួមទាំងវត្ថុតាង ក្រោយពីសមត្ថកិច្ចបំពេញសំណុំបែបបទ បានបញ្ជូនទៅអយ្យការអមសាលាតំបូងខេត្តរតនគិរី នៅថ្ងៃទី២៩ខែសីហាឆ្នាំ២០២១នេះ៕ រាយការណ៍ពីក្រុងបានលុងខ្ញុំបាទ លី វណ្ណះ Pntv គេហទំព័រ ទូរទស្សន៍ព្រះនរាយណ៍
