ខេត្តកណ្តាល ៖ ប្រជាពលរដ្ឋនៅក្នុងឃុំ កោះខ្សាច់ទន្លា ស្រុកស្អាង ខេត្តកណ្តាល បាននាំគ្នានិយាយថា មូលេហតុអីបាន មេមាន់ជល់ ឈ្មោះ ឡាយ ឈាង អាចដឹកនាំក្រុមញៀនល្បែងមាន់ ដើរលេងពេញភូមិ ដោយម្តងទៅនេះ ម្តងទៅនោះ ដោយមិនមានសមត្ថកិច្ចណា អាចតាមទាន់សោះឡើយ ។
ប្រជាពលរដ្ឋបានបញ្ជាក់ថា ជារៀងរាល់ថ្ងៃបុគ្គលឈ្មោះ ឡាយ ឈាង បានណាត់ក្រុមអ្នកលេងល្បែងទៅលេងចាក់ភ្នាល់ជល់មាន់ចល័តតាមភូមិតែពីរបីគូទេ ។ ប៉ុន្តែបើនៅក្នុងថ្ងៃសៅរ៍ និងថ្ងៃអាទិត្យ គឺលេងជល់មាន់ច្រើនគូតាំងពីព្រឹករហូតដល់ល្ងាច ដោយមានការណាត់ពីក្រុមអ្នកលេងជល់មាន់មកពីភូមិស្រុកផ្សេងឆ្លងទូកដរ ទៅលេងបញ្ជល់មាន់ដែរ ព្រោះឃុំកោះខ្សាច់ទន្លា គឺជាដែនកោះដែលមានទន្លេព័ទ្ធជុំវិញ ។
ប្រជាពលរដ្ឋសំណូមពរថ្នាក់ចុះអង្កេតរឿងនេះផង ព្រោះឃុំផស់ហាក់គ្មានសុវត្ថិភាពសោះ ៕
