រាជធានីភ្នំពេញ : ទីតាំងចាក់ភ្នាល់បាល់ល្មើសច្បាប់ប្រទេសមួយកន្លែង កំពុងដំណើរការយ៉ាងសកម្ម នៅតាមបណ្ដោយផ្លូវលេខ ៤៧៤ ស្ថិតក្នុងសង្កាត់បឹងត្របែក ខណ្ឌចំការមន រាជធានីភ្នំពេញ បានបើកទទួលភ្ញៀវក្នុង១ថ្ងៃៗ យ៉ាងច្រើនកុះករ ។
ដោយមិនឃើញមានសមត្ថកិច្ចអាជ្ញាធរដែនដីសង្កាត់ខណ្ឌចាត់វិធានការបង្ក្រាបនោះឡើយ។ ភាពស្ងៀមស្ងាត់របស់អាជ្ញាធរត្រូវបានប្រជាពលរដ្ឋនៅតំបន់នោះសង្ស័យថា ទំនងពួកគាត់មិនបានដឹង ក៏ថាបាន។
អ្នកញៀនល្បែងភ្នាល់បាល់កេណ្ឌគ្នាទាំងហ្វូងចូលទៅចាក់បាល់នៅទីតាំងខាងលើដោយមិនខ្វល់អំពីបញ្ហាអ្វីឡើយ។
តាំងព្រឹកព្រលឹមរហូតដល់យប់ម៉ូតូរាប់សិបគ្រឿងបន្តកន្ទុយគ្នាចេញ-ចូលដើម្បីទៅចាក់បាល់នៅទីតាំងខាងលើ ៕
