ខេត្តមណ្ឌលគិរី : ប្រជាពលរដ្ឋបានលើកឡើងថា មានទីតាំងបនល្បែងសង្វៀនមាន់ជល់ អាប៉ោង មួយកន្លែងកំពុងបើកលេងភ្នាល់លុយរាប់ម៉ឺនដុល្លា នៅចំណុចដំណាក់នាគ ស្ថិតនៅសង្កាត់សែនមនោរម្យ ក្រុងសែនមនោរម្យ ខេត្តមណ្ឌលគិរី ដោយគេមិនឃើញសមត្ថកិច្ចចុះទៅធ្វើការបង្រ្កាបនោះឡើយ។
បើតាមពលរដ្ឋរស់នៅក្រុងសែនមនោរម្យថា ទីតាំងល្បែងខុសច្បាប់ខាងលើនេះ មានប្រជាពលរដ្ឋខ្មែរ និងអ្នកមានលុយមួយច្រើនទៀត បានកែនគ្នាចូលទៅលេងល្បែងភ្នាល់បញ្ជល់មាន់ និងអាប៉ោង នៅចំណុចខាងលើនេះយ៉ាងគរគ្រឹកគរគ្រេងថែមទៀតផង។
ប្រជាពលរដ្ឋថា កន្លែងនោះ មានខ្នងធំ ដែលអាចល្មមៗ មិនអាចទៅក្បែរកន្លែងនោះបានទេ ។
ទោះជាយ៉ាងណា គេសង្ឃឹមថា លោកស្នងការ ខេត្តមណ្ឌលគិរី នឹងមានវិធានការណ៍ចំពោះរឿងនេះ ព្រោះថា លោកស្នងការមិនបណ្តែតបណ្តោយអោយមានល្បែងខុសច្បាប់នៅលើទឹកដីគ្រប់គ្រងរបស់លោកនោះឡើយ ៕
