ខេត្តកណ្តាលៈ សង្វៀនបញ្ជល់មាន់កំពុងបើកលេងយ៉ាងគគ្រឹកគគ្រេងនៅក្នុងកាស៊ីណូ ” ថ្មពេជ្រ ” ស្ថិតនៅព្រំដែនអន្តរជាតិក្អមសំណ ក្នុងភូមិក្អមសំណ ឃុំក្អមសំណ ស្រុកលើកដែក ខេត្តកណ្តាល ។
តាមសេចក្តីរាយការណ៍បានឲ្យដឹងថា ជារៀងរាល់ថ្ងៃគេតែងតែឃើញជនជាតិខ្មែរ និងជនជាតិវៀតណាមរាប់រយនាក់ចូលទៅលេងជល់មាន់ចាក់ភ្នាល់រហូតរាប់ម៉ឺនដុល្លារក៏មាន ។
លោកវរសេនីយ៍ទោ អាំ ធូ អធិការនគរបាលស្រុកលេីកដែក បានប្រាប់ ព្រះនរាយណ៍ នៅព្រឹកថ្ងៃទី២០ ខែមករា នេះថា លោកមិនទាន់បានចុះពិនិត្យកាស៊ីណូនោះ មានច្បាប់កំរិតណា នោះទេ ។ លោកថា បើមិនមានច្បាប់ គេប្រហែលមិនហ៊ានដល់ថ្នាក់នេះទេ លោកនឹងចុះពិនិត្យ ។
ប្រជាពលរដ្ឋដែលមានប្តីសីវក់នឹងល្បែងស៊ីសង បានសំណូមពរដល់ លោកឩត្តមសេនីទោ ឈឿន សុចិត្រ ស្នងការនគរបាលខេត្តកណ្តាល សូមជួយពិនិត្យករណីនេះផង ៕
