ភ្នំពេញ ៖ ទីតាំងបើកល្បែងស៊ីសងភ្នាល់តាមបណ្តាញអ៊ីនធើណេត មានចាក់បាល់ Joker និងល្បែងភ្នាល់ជាច្រើនប្រភេទទៀត កំពុងបើកដំណើរការយ៉ាងរលូននិងបានអន្ទងចិត្តអ្នកញៀនល្បែងឱ្យចូលទៅលេងយ៉ាងពពាក់ពពូនដោយមិនឃើញមានកម្លាំងសមត្ថកិច្ចខណ្ឌដូនពេញទៅបង្រ្កាបទាល់តែសោះ ។
ប្រជាពលរដ្ឋរស់នៅទីនោះបានបង្ហើបឱ្យដឹងថា ទីតាំងល្បែងស៊ីសងនេះស្ថិតនៅផ្ទះលេខ៥៧ ផ្លូវ៣២ ភូមិ២ សង្កាត់ស្រះចក ខណ្ឌដូនពេញ រាជធានីភ្នំពេញ ដោយបើកលេងជារៀងរាល់ថ្ងៃ ឃើញតែអ្នកញៀនល្បែងស៊ីសងចូលទៅចាក់បាល់ និងលេងល្បែងផ្សេងទៀតយ៉ាងគគ្រឹកគគ្រេងជាពិសេសនៅពេលរាត្រីតែម្តង ។
ប្រជាពលរដ្ឋបានបន្តថា ដោយសារលោកអធិការខណ្ឌដូនពេញមិនព្រមទៅបង្រ្កាបល្បែងស៊ីសង នៅក្នុងដែនសមត្ថកិច្ចរបស់ខ្លួនបែបនេះទើបបទល្មើសចោរកម្ម លួច ឆក់ ប្លន់កើតមានព្រោងព្រាតដូចឃើញស្រាប់បណ្តាលឱ្យប្រជាពលរដ្ឋស្លូតត្រង់មិនតិចនាក់ត្រូវរងគ្រោះឥតឈប់ឈររហូតមានអ្នកខ្លះរងរបួសដល់រាងកាយ និងខ្លះទៀតបាត់បង់ជីវិតក៏មាន។
នៅរសៀលថ្ងៃទី០៨ខែកុម្ភៈឆ្នាំ ២០២២ នៅទីស្នាក់ការគណបក្សប្រជាជនកម្ពុជាខណ្ឌដូនពេញ ។ ឯកឪត្តម ឃួង ស្រេង អភិបាលរាជធានីភ្នំពេញ បានរម្លឹកដល់ : កងកម្លាំង មានសមត្ថកិច្វ ត្រូវ តែបង្ក្រាបឱ្យអស់នូវល្បែងស៊ី សងគ្រប់ប្រភេទ និងគ្រឿង ញៀន ពោលគឺរក្សាឱ្យបាននូវសន្តិសុខ ជូនប្រជាពលរដ្ឋ ។
ឯកឧត្ដមបន្តថា ទាំងអ្នកក្រ អ្នកមាន លោកឧកញ៉ា គឺសុទ្ធតែត្រូវការសន្តិសុខដូចគ្នា។
