មណ្ឌលគិរី ; តាមសេចក្តីរាយការណ៍ថាមកថា កុងត្រូលជជុះរបស់មន្ត្រីនគរបាលសេដ្ឋកិច្ចឈ្មោះ យូ ប៊ុនស្រៀង បានលបលួចដាក់នៅជាប់កំណាត់ផ្លូវជាតិលេខ ៧៦ ត្រង់ចំណុចចំការស្រល់ផ្លូវចូលភូមិពូតាំង ក្រុងសែន មនោរម្យ បានបង្កការ
រំខាន និងធ្វើទុក្ខបុក ម្នេញដល់ការប្រកបរបរតូចតាច ។
ប្រភពថា ស្ទើរតែគ្រប់រថយន្តទូរីសដឹកអ្នកដំណើរទាំងមុខចូលក្រុង ចេញពីក្រុងសែនមនោរម្យគឺត្រូវតែចូលសម្ដែងការគួរសមចំពោះមន្ត្រីប៉ូលីសសេដ្ឋកិច្ចដែលស្លៀកពាក់ស៊ីវិលនៅចំណុចខាងលើជានិច្ច បើពុំនោះទេពួកគេ នឹងចេញឡានប្រដេញ ដែលអ្នកខ្លះមិនបានដឹងជើងការមុនភ័យស្លន់ បើករហូតចង់ធ្លាក់ប្រឡាយស្លាប់ក៏មាន ។
ចំណែករថយន្តដឹកឈើទៅវៀតណាមដែលមានកញ្ចប់ធំវិញ ក្រុមកូនចៅលោក យូ ប៊ុនស្រៀង ទាំងនោះសម្ងំឲ្យធ្វើចរាចរណ៍យ៉ាងរលូនតែម្ដង ព្រោះគេបានចរចាត្រូវរ៉ូវគ្នារួចហើយ ។
លើសពីនេះតាមសេចក្ដីរាយការណ៍ក៏បានឲ្យដឹងផងដែរថា សូម្បីតែប្រជាពលរដ្ឋដែលកាប់ឆ្ការព្រៃធ្វើចម្ការក៍ត្រូវបានកូនចៅលោក យូ ប៊ុនស្រៀង រុកគួនគាបយកលុយតាមជាក់ស្ដែងដោយមិនឲ្យរបូតឡើយ ។
លោក យូ ប៊ុនស្រៀង មេប៉ូលីសសេដ្ឋកិច្ចដែលគ្រប់គ្រងកុងត្រូលជជុះខាងលើនៅថ្ងៃនេះ មិនអាចស្វែងរកការបំភ្លឺបានទេ ៕
