ភ្នំពេញ ៖ យោងតាមសំដីរៀបរ៉ាប់ពីបុរសម្នាក់ ដែលជាអតីតសន្តិសុខយាមកាម ផ្ទះឯកជន ទល់មុខ សាកលវិទ្យាល័យកម្ពុជា U C កាលពីកន្លងទៅបាននិយាយថា មានរាត្រី១ប្រមាណ កន្លះខែមុន ម៉ោងជាង១ រំលង អាធ្រាត គាត់បានឃើញ ភ្លើង១ដុំ ធំប៉ុនថាស ភ្លឺចិញ្ចាច ហោះ ចេញពីសាកលវិទ្យាល័យកម្ពុជា U C ពីតំបូល ចូលទៅស្ថានីយ៍ទូរទស្សន៍អាស៊ីអាគ្នេយ៍ ។ បុរសនោះបាននិយាយទៀតថា ក្រោយពីដុំភ្លើង ដែលចាស់ៗច្រើននិយាយថា ជាភ្លើងព្រាយ នោះមក រូបគាត់ក៏បានធ្លាក់ខ្លួនឈឺ និង បានសុំឈប់ពីការងារដោយភាពរន្ធត់នេះ ។ទោះជាយ៉ាងនេះក្តី លោកបាននិយាយថា មិត្តភក្រ្ត យាមជាមួយលោក មិនបានឃើញនោះទេ ។លោកបានរំលឹកផងដែរពីដំណើរដែលអាចនាំអោយមានព្រាយនៅទីនោះ ប្រហែលមកពីមានហេតុការណ៍គួរអោយតក់ស្លុត នៅក្នុងសាកលវិទ្យាល័យកម្ពុជា U C នេះគឺកាលពីថ្ងៃទី ២២ ខែ ឧសភា ឆ្នាំ ២០១៧ មានបុរសជំទង់ម្នាក់អាយុ ជាង ២០ឆ្នាំ បានលោតសំលាប់ខ្លួនពីអាគារសាកលវិទ្យាល័យកម្ពុជា U C ជាន់ទី៥ ដោយបានស្លាប់នៅនឹងកន្លែង កាលពីម៉ោង១ រសៀលថ្ងៃនោះ ។លោកថា ក្រោយពីមានការសំលាប់ខ្លួន នោះមកប្រជាជន ដែលរស់នៅទល់មុខ សាកលវិទ្យាល័យកម្ពុជា U C នេះមានអារម្មណ៍ភ័យខ្លាច និង មិនហ៊ាន សំលឹងទៅរកអាគារមរណៈនោះទេ ។ទោះជាយ៉ាងណា ការិយាល័យ ព្រះនរាយណ៍យើង មិនទាន់ជឿសំដីបុរសខាងលើ ទាំងស្រុងនោះដែរ ដ៏រាបណា មិនទាន់ទទួលបានការបំភ្លឺពីខាងសាកលវិទ្យាល័យកម្ពុជា U C លើករណីនេះ ។ យោងតាមសំដី ចាស់ព្រឹទ្ធាចារ្យ និង ចាស់ៗ ដែលជាដូនតា ខ្មែរយើង បាននិយាយថា កន្លែងណាក៏ដោយ អោយតែមានមនុស្សស្លាប់មិនទៅតាមកាល ដែលហៅថា ខ្មោចតៃហោងនោះ ខ្មោចនេះនឹងចាំនៅកន្លែងនោះ ដើម្បីអន្ទងរកអ្នកថ្មី មកជំនួស ពោលគឺកន្លែងនោះ មានជើងកប ចាំយកជីវិតមនុស្សជាបន្តបន្ទាប់ ៕
